香香罕有的小性感！懷孕6個月越來越靚，岑麗香曬火辣身材，網民：流鼻血啦！

岑麗香已懷孕6個月，早前佢同老公強強去咗夏威夷渡假，更喺IG貼出超火辣嘅泳衣相，完全唔似有咗寶寶～日前佢就罕有地曬小性感，令一眾網民都大呼：「流曬鼻血啦！」

目前已懷孕6個月的香香日前貼出火辣照片，相中佢身穿粉紅色低胸禮服，曬出火辣身材，可見香香依然面尖尖，如果唔睇個肚真係唔知呢位係孕婦！

香香一向身材好fit，懷孕6個月手腳依然好纖瘦，而且仲越嚟越靚，難怪人人都話「懷孕嘅女人係最靚」啦～～

呢件禮服源自台灣女設計師陳夏姿，迪麗熱巴早前都有著過同一件禮服出席活動，兩人各有各色，香香一啲都唔輸「中國第一美」啊！

早前香香同老公去夏威夷渡假兼散心，雖然懷有身孕，但佢一樣換上比堅尼，大show白滑玉背和長腿，從佢背影睇得出身形依然好纖瘦，完全零孕味！

早前香香指自己可能因為懷孕而令情緒不穩定，平日連睇運動廣告都感動得流淚，所以帶香香去夏威夷度假，應該就係讓呢位準媽媽散散心！

喺強強嘅愛同悉心照顧下，香香將出世嘅BB一定會肥肥白白，好期待小香香嘅來臨啊！！

Text：GirlsLike Editorial

Photo source：Instagram