21年來完全無老過！謝霆鋒吳彥祖曬21年前與現在的對比照，網民：係咪食防腐劑嫁～

By Aisa on 18 Oct 2018

一個追逐夢想的女生，深信未來是屬於相信心中美夢的人。

香港眾多影星之中，謝霆鋒同埋吳彥祖可說係又有外表，又有內涵同才華嘅男星代表，年輕時候更係迷倒過唔少女！日前兩位男神就喺希臘合體，仲Post咗佢地喺當地拍下嘅合照，外加一張20年前同pose嘅對比圖，網民都紛紛留言大讚兩位男神根本完全無走樣，凍齡仲勁過啲女星呀，甚至仲比當年多咗幾分男人味，笑稱：「佢地兩個係咪食防腐劑嫁？」

謝霆鋒近年愛上鑽研廚藝，被網民封為「Chef Lemon」，佢主持嘅美食旅遊節目《十二道鋒味》，佢喺節目入面會帶大家去唔同國家發掘同埋體驗美食，實現佢「以最短的距離，食到最遠的美食」嘅夢想同埋目標。

每一集《鋒味》入面，都會邀請一個明星陪遊，唔少大明星都曾經喺節目中亮相，日前謝霆鋒就同吳彥祖去到希臘錄製節目，之後謝霆鋒仲上傳咗一張佢同吳彥祖喺當地影嘅合照，旁邊加咗一張20年前嘅對比圖。

佢地仲刻意擺番同之前一樣嘅pose影相，網民都忍唔住留言大讚：「完全無老過！」、「越來越型啊！」，其實兩位男神外型真係係咩變過，令人非常驚喜，就好似網民形容嘅一樣，好似食咗防腐劑咁～

而吳彥祖都喺instagram上分享二人合照：「我來希臘三天是因為當謝霆鋒美食旅遊節目的嘉賓。還記得我們第一次見面是在電影《新古惑仔之少年激鬥篇》，當時我們還很年輕，他17歲，我23歲。」「後來我們又在《特警新人類》上合作，幾年後再次在《新警察故事》中合作。距離我們第一次見面原來已經21年，我們在希臘重聚，不只談論食物和建築，還談到從男孩到男人的演變，如果將我們的生活故事，融入到電影和工作之中是非常好，我們也是時候製作新的《特警新人類》嗎？」