這肌肉太灼眼啦！張繼聰苦操2年慘被笑肥到冇頸，爆肌自拍：我唔怕走出舒適圈！

張繼聰同太太謝安琪誕下細女後，一家四口經常集體出遊，幸福到令人超羨慕！而家庭事業兩得意嘅張繼聰近日就曬出爆肌自拍，訴說自己2年來嘅操肌辛酸史，毅力令人敬佩！

張繼聰貼出一組爆肌相，相中可見佢嚿朱古力腹肌同人魚線嘅線條分明，手臂仲粗壯過好多女仔的大腿！（小編睇到目不轉睛中～～）

辛苦操肌2年，張繼聰笑言自己曾經被人笑過肥到冇頸：「依兩年，最多俾人問嘅就係你係咪冇做運動？點解你咁肥？陰公，其實我進行訓練嘅程度係從來未試過咁甘， 有幾次係片場，仲比人笑我肥到冇頸！」

不過佢就話自己冇驚過，因為知道想要成功就要付出努力：「我一d都冇怯過，反而仲成日暗喜，因為練得咁辛苦，人地完全唔覺我有改變咪仲大劑？同埋，我好相信一樣嘢，要行同人地唔同嘅路，一定會聽到好多唔同嘅聲音，唔好介意，繼續行好自己嘅路，因為從Day 1 開始，我就係要同人地唔同！」

原來張繼聰為咗操肌，呢2年來一直風雨不改，每個禮拜六都會堅持訓練，佢亦明白想練肌肉係冇捷徑，一定要靠恆心，就算要儲脂肪令身材先走樣都完全唔介意！

最後張繼聰仲鼓勵大家：「如果你都係做緊自己想做嘅嘢，加油，如果有時覺得氣餒，唔緊要，深呼吸，然後再嚟過， Be the best version of yourself, you can do it！」真係超勵志啊！

操肌其實真係好辛苦，過程要克服好多心理關口，張繼聰真係好堅持好有恆心啊！

Text：GirlsLike Editorial

Photo source：Instagram