自責令老公壓力爆煲～Ella：他最愛的人竟然對他是這種態度。愛情沒有捷徑路，學會包容、體諒才能豐收。
娛樂圈中造就唔少金童玉女，若然雙方都係圈中人，自然就會明白娛樂圈嘅生活方式，工作上都可以有更多諒解。有人亦會選擇跟圈外人拍拖、組織家庭。但一個普通平凡人，又豈能一下子配合到明星們嘅生活習慣呢，當中必定有唔少誤會同壓力需要雙方努力磨合。台灣S.H.E成員陳嘉樺 （Ella） 跟老公賴斯翔結婚踏入第7個年頭，近日接受內地節目訪問，大爆老公壓力超大，於訪談中落淚自責表示「他最愛的人，竟然對他是這種態度」覺得好對唔住老公。結婚7年，Ella仍然就婚姻出現嘅問題反省自己不足之處，其實自省實在係伴侶必需學好嘅一門課呢～
Photo from him_ella0618 ＠ ig
Ella嘅老公賴斯翔係圈外人，因為工作關係，認識到Ella嘅好朋友Hebe（田馥甄），Hebe介紹咗賴斯翔畀Ella識，跟Ella相識無幾耐之後，二人就一拍即合，動了閃婚念頭。但呢斷婚姻立即被Ella媽媽大力反對，原因係唔睇好未來女婿，天下父母都係想仔女娶到賢妻，嫁到好男人，Ella媽媽當時嘅反對都不無道理，兩個人認識時間唔長，感情根基唔深厚，更何況結婚後無可能「有情飲水飽」，當年二人收入足足相差40倍......都好難怪Ella媽媽會對呢個閃婚決定反感。
Photo from 陳嘉樺 Ella ＠ fb
當年外表仍是man man的Ella，硬朗男仔頭嘅外表，無理到媽咪嘅反對，更嘻嘻哈哈喺微博對媽媽搞笑寫道：「我同學要我向你問好，他說要跟你提親……」嚇得Ella媽媽趕緊回應，勸愛女唔好好似大S咁玩閃婚：「提親？認識兩個月，要向我們提親？你可不要點頭！那可是比大S還聳動的大消息！」
Photo from him_ella0618 ＠ ig
結果，Ella都係堅持嫁畀賴斯翔，二人於2012年完婚，2017年仲一索得子生下「勁寶」，Ella亦都由男仔頭，變得更有女人味。
Photo from him_ella0618 ＠ ig
Photo from him_ella0618 ＠ ig
Photo from him_ella0618 ＠ ig
Ella跟老公結婚6年，最近老公更接手成為Ella嘅經理人，二人關係比以往更緊密，工作上同家庭上關係都變得密不可分，難免會有更多磨擦點。Ella接受內地節目訪問時講到老公同佢初初結婚時，雖然知道一個圈外人同名氣大嘅女明星結婚難免會有輿論同批評，但佢哋都無諗過壓力原來係會咁大，加上Ella性格衝動，有時都忍唔住發老公脾氣，令老公壓力爆煲，身心失調！
Photo from from Weibo
聰明嘅Ella意識到問題，亦有反省自己言行，佢坦言自己性格較於衝動，而老公則是冷靜，所以當自己一有情緒，Ella 會毫不保留地直說，變成對老公一種傷害。「因為他是我最親密的人，所以我對他發脾氣，是一種很理所當然，因為很多人，都會對自己最親密的人，最不客氣。我覺得我已經對他造成極大的壓力了。」
Photo from from Weibo
Ella 有感而發：「自己的一些情緒，然後造成他的一些壓力，我覺得很抱歉，」哽咽地表示：「因為他為我做這些事情，他會犧牲很多，他也要面對很多的輿論的壓力，可是他不怕，這是我最感動的地方。然後，他最愛的人，竟然對他是這種態度，我就覺得我真的有點糟糕。」
Photo from him_ella0618 ＠ ig
脾氣臭嘅背後，活潑、愛笑嘅Ella其實真係好愛老公，亦深知雙方都需要大家，佢曾經感慨道：「如果我早死，他一定也活不久。」原因係佢知道老公好愛佢，同時好需要佢，二人情繫彼此。
Photo from from Weibo
Ella跟賴斯翔嘅故事，可能都係唔少情侶現實生活嘅寫照。不論係夫妻定係情侶，交往中往往都存在分歧，磨合日子耐咗難免會攰，大家都不經不覺將現有嘅生活變成一種「理所當然」，對最熟悉嘅人變得不客氣，說話都更直腸直肚......
Photo from from Weibo
但一段長久嘅愛情，又豈只二人相愛咁簡單？維持一段穩定嘅關係，需要更多嘅係包容、溝通同體諒—呢條路好漫長，也沒有捷徑可走，一路走來仲可能有好多誘惑同難關令你失去堅持意志，但能夠走到最後，你能看見嘅風景，一定係人生中最美好嘅一幕。
Text：GirlsLike Editorial
Photo Source：Weibo, Facebook, Instagram
