翠如變小三：「我是阿廉和正楠的掩飾」甜到極致的愛就是融入他的生活圈子！網民：溫馨三人行～

成日話兩男一女湊埋就係一個「嬲」字，其實都唔一定嘅！黃翠如琴日上載咗一張「湯水照」，唔駛諗都知道係翠如大展廚藝啦～錯！唔通係蕭正楠煲嘅愛心湯水？！都錯一半！其實係蕭正楠同佢嘅「紅顏」曹永廉嘅愛的傑作！翠如都發文多謝老公同小三：「兩個男人遊街市的浪漫，我也得到了這浪漫的成果。」骨唔骨痹就見人見智，但就一定係愛心滿滿的舉動～

Photo from wongtsuiyu ＠ ig

因拍劇集《大太監》、《公公出宮》，曹永廉同蕭正楠結緣成為老友鬼鬼，一同拍攝《超時空男臣》田蕊妮都係佢哋友誼見證人：「蕭正楠及曹永廉，他們裝作十分溫馨，洗手間也一要一同去，有『hehe』的感覺，很離譜啊﹗」

慢慢「愛」得痴纏～蕭正楠有一年曾經講過自己情人節會先搵曹永廉，然後先陪黃翠如。（笑）

老公有「小三」，但翠如都好識做，會以「姐姐」、「廉姐」稱呼曹永廉，Edwin可謂享盡齊人之福啊。琴晚翠如就發文多謝老公同小三廉姐：「兩位情人行街市，買材料煲湯比我飲，有誰比廉姐還要好」

Photo from wongtsuiyu ＠ ig

網民反應兩極，對於曹永廉呢個「強勢對手」，有人搞笑咁話「一邊識煲湯哄蕭太，另一邊又識為蕭生爭取更多褔利，對手好強！好自為之！」又笑小三其實都係心地善良，好有大婆心「其實你老公好好架啦！識得同小三出街之外仲識番屋企煲湯比老婆飲～」

Photo from edwinsiu @ ig

有人會強調自己需要有私人空間，但翠如bb同蕭正楠呢對就唔係咁諗喇。有時幸福，就係融入他的生活圈子。就好似翠如bb同蕭正楠老友勁friend，變埋自己嘅朋友。其實男方願意畀女方融入自己嘅生活圈子，無疑都係一枝強心針！翠如bb喺生日時都講過，「一班男人的約會，總覺得我也是男人的一分子。」

Photo from wongtsuiyu ＠ ig

當女方清楚自己交往中嘅人會同咩人有來往，自己就可以更放心向男方投信任票，而且一個圈子自然會有更多嘅共同話題，感情自然穩固啦。

Text：GirlsLike Editorial

Photo Source：Instagram