年紀增長是歲月和激情的見證！63歲法美藉「模特老人」不老，銀髮、虎紋無礙她散發自信光芒～

「品牌模特兒」令人聯想到青春少艾，對於模特兒嚟講，年齡就係最大嘅對手～其實10個女生，11個都會眷戀花樣年華，又會擔心年紀帶來嘅疾病同皺紋。63歲嘅法美藉演員兼模特兒Yazemeenah Rossi打破傳統女生對「老人」嘅概念，佢話畀大家知，女人絕對可以優雅地老去，而且活出美不勝收嘅成就。

Photo from yazemeenah @ ig

現年63歲嘅Yazemeenah Rossi可以話係美魔女典範，63歲老人喺香港已經步入退休年齡，但一副健康體魄加上其不老外表，就令佢持續擔任 Marks & Spencer、Hermes、Macy's 等國際知名品牌模特兒，完全唔輸畀後生女！

研習瑜伽30年佢皮膚仍然光滑緊緻～呢一個角度，呢一種線條，唔講真係以為係20幾歲嘅專屬pose！

Photo from yazemeenah @ ig

Yazemeenah Rossi近鏡下盡顯稀疏白髮，虎紋、眼紋盡現，但就無礙佢散發出自信嘅光芒～

Photo from yazemeenah @ ig

Yazemeenah Rossi豁然地接受自己一頭銀髮與皺紋，自細於大自然長大嘅佢祟尚平衡，銀髮同皺紋都只不過係生老病死過程中其中一個產品，從另一個角度睇，都係豐富歲月嘅見證。女生只要對生活豐有熱誠，有健康嘅生活模式，身體不會虧待你嘅付出，會令你愈活愈耐看！

Photo from yazemeenah @ ig

Yazemeenah Rossi表示，曾經唔欣賞自己嘅圓臉，覺得圓臉感覺上無咗西方人嘅感覺；又唔喜歡自己細胸脯，覺得無「真正女人」嘅曲線，如今圓潤臉蛋令佢唔易顯老，細胸令佢有一個好似青少年一樣的身體，令佢非常滿意。佢更表示「只有老去才能帶來這種意識和智慧」，前人60年人生嘅智慧，年輕嘅你同我呢一刻未必能夠完全接受自己嘅不完美，但希望女生們都可以好好領會，今日你覺得唔如意之事，他日可能為你帶來另一些忘憂之喜呢～

 Text：GirlsLike Editorial

Source：Instagram