與其等人愛不如好好愛錫自己!4個愛錫自己方法，把心靈填滿比送自己一個手袋來得更實際！

愛錫自己有時未必只係買個手袋送俾自己咁就得！物質嘅安慰只係對自己一時嘅寵愛，反而心靈嘅滿足卻可以跟妳一世。女生要知道與其等人愛不如好好愛錫自己！別人令妳失望、世界嘅不公平令妳變得灰心，但都唔好因爲咁就變得自暴自氣。外在環境因素妳未必可以改變，但改變內在嘅心理質素同一些小舉動先係滿足心靈同愛錫自己嘅唯一方法。

#1 接受自己的不完美

女孩子總係貪靚！每個人都會對自己嘅外表有不滿嘅地方，但都唔好因此感到自卑。自卑唔會令妳變得美麗，只會加大妳嘅不安感。試想想要是日本人氣女星渡邊直美因身上近220磅嘅肉肉而感到自卑，而唔敢喺鏡頭下表現自我又點會成為依家紅遍中日台嘅藝人呢！網上大多嘅留言都讚佢美麗可愛，可見只要一接受自己嘅不完美，就係妳變靚嘅證據。

Photo from pinterest

#2 遠離帶給妳負面能量的人

唔知大家有無留意到有啲人總係情商特別低，動不動就破口大罵，罵天罵地罵空氣。這類人愛釋放負能量，很容易將整個氣氛變得僵硬，從而影響大家心情。另外有種人就是無緣無故都要妳難過，將佢嘅快樂建築於妳痛苦之上，帶俾妳負面情緒為目標。講到依到可能妳已經有要遠離嘅人選係妳腦海中閃過了！

Photo from chungkayanlinda@ig

#3 培養自信心，把「我不能」變成「我可以」

可能係家庭背景或某些因素令妳變得缺乏自信心。從小就很容易慣性係仲未嘗試嘅情況下同自己講「我不能」，只會羨慕別人嘅成功。係時候答應自己要將依個壞習慣除去～從新培養自信心，嘗試一開始先假設自己係可以！再同自己講聲「我可以」！根據吸引力法則，話唔定未到中場休息都已經成功了一半啦～

Photo from tracytschu@ig

#4 要學會狠心放手

至古以來，情關總係特別難過而且仲會毫不留情令妳弄得傷痕纍纍。真係愛錫自己嘅話就要學會狠心放手，否則只會將妳跌落無限地獄，痛完又再痛！痛完又再痛！唔好麻木給予別人機會傷害妳。自己都唔愛錫自己又點叫人去愛錫妳呢？

Photo from choisaaaa@ig

Text：GirlsLike Editorial

Photo Source：Instagram