公開逆天顏值5大秘訣—空肚食椰子油、做高溫瑜珈為排毒不敗良方！44歲周迅：保養皮膚是演員的職業道德。

娛樂圈入面美女如雲，如果要細數唔靠化妝、打扮都可以擁有靈氣嘅，小編第一個就諗起五官精緻嘅周迅。除咗演技精湛，44歲嘅周迅一直維持空靈外貌，零死角五官跟細緻嘅皮膚，就算稱唔上逆齡，都絕對係凍齡嘅代表女星之一！一虧佢私下嘅日常保養方法，你會發現：啊，原來係咁簡單？

Photo from from Weibo

日常保養祕訣

＃1 空肚食椰子油

椰子油好處真係多不勝數，你見到周迅手腳纖細嘅好身材，法寶原來就係攝取好油脂—椰子油！椰子油可以提高身體的基礎代謝，周迅每日朝早食早餐前，都會先食一小匙椰子油，減少宿便外，仲可以去水腫～

Photo from foliumauream @ ig

＃2 重視保濕

保水好重要，特別喺大陸拍戲，天氣難免又凍又乾燥，佢除咗會隨身攜帶保溫瓶，盡量飲多啲水之外，都會自製補水噴霧—將礦泉水加入精油，diy適合自己當日肌膚質素嘅噴霧，拍戲覺得肌膚乾嘅話，可以隨時補水！

＃3 口味清淡

周迅熱愛美食，但就有自己一套飲食準則，佢唔食內臟、生冷嘢，就連肉都比較少食～相反，多食清淡食物，咁樣嘅飲食方法除咗唔刺激肌膚外，對維持身材都好有幫助。

Photo from from Weibo

＃4 愛做瑜珈

周迅自出道以來，身材一直維持得好好，佢曾經透露私下鍾意做高溫瑜珈，享受流汗嘅感覺。如果喺屋企，佢會做一般瑜伽伸展四肢動作，都會喺屋企跑步，排汗多咗，自然可以排走身體毒素！

Photo from from Weibo

＃5 眼部肌膚抗老保養

周迅擁有靈氣眼睛，而佢本人都非常著重眼部肌膚保養。除咗敷面保濕外，佢經常以抗老眼霜按摩眼周穴位，保持眼周血液暢通先可以令雙眼更明亮。除咗外在保養品外，佢都會多食抗氧化蔬果，例如胡蘿蔔、番茄、蘋果、提子等，令肌膚更加透亮。

Photo from from Weibo

對周迅而言，佢曾經講過佢並唔怕老，變老反而係一件開心事，因為隨住歲月增長，能夠得到更多人生智慧，生命變得更有厚度，係一件值得感恩嘅事。

Text：GirlsLike  Editorial

Photo Source：Weibo