唔駛花大錢～綠茶都可美白牙齒！4個天然美白牙齒方法～效果媲美坊間美白牙齒產品~

坊間有好多美白牙齒產品，例如家用藍光美白牙齒機又或者美白牙貼，但係動不動都要幾百至幾千，長期補貨都咪話唔襟計！依啲強效美白牙齒產品只係提供短暫美白，根本治標唔治本。而且大多數都有副作用，容易令牙齒過敏，嚴重起上來可以引發牙髓炎，真係得不償失！依家就同大家介紹以下既天然又慳錢嘅美白牙齒方法～可能美白效果會比坊間嘅美白牙齒產品更有效，令妳一試愛上～

1.蕉皮摩擦牙齒表面

下次大家食完香蕉千奇唔好掉咗塊蕉皮，皆因蕉皮上面有美白牙齒嘅物質，如鉀、鎂同埋錳。只要將蕉皮內側摩擦牙齒表面，直至牙齒表面黏有足夠嘅膏狀物，之後等待幾在5分鐘再去刷牙就有美白效果。

Photo from 田馥甄 Hebe@facebook

2.菠蘿汁擦牙齒

菠蘿含有鳳梨酵素，係天然嘅美白劑，只要用紗布沾啲菠蘿擦牙齒，就可以有效清除牙漬，同時去污又可以美白。

Photo from hannah_quinlivan@ig

3.多飲綠茶

綠茶含有牙膏裡面嘅氟，除咗可以減少口腔異味外，同時又可以美白牙齒。下次食完嘢不仿試下飲啖綠茶代替平時嘅白開水啦～

Photo from aliaime@ig

4.自製美白牙齒磨沙

將一茶匙嘅梳打粉同2粒士多啤梨打碎混合，當牙膏咁擦牙5分鐘，牙齒會有即時變白效果。不過依個方法只可以一星期用一次，因為梳打粉嘅碳酸氫鈉同士多啤梨嘅葉酸可以令琺瑯質變薄。大家千奇唔好貪心日日用依個方法呀~

Photo from heungheungeliza@ig

Text：GirlsLike Editorial

Photo source：instagram, facebook