人生有個真正朋友的確好極！楊秀惠送CHANEL袋贈閨蜜壽星蔡思貝，寵爆閨蜜指數100％～

「閨蜜是要寵的！」人生流流長，有個真正朋友真係好極！閨蜜陪你喊、陪你笑、一路走來有閨蜜嘅陪伴真係彷如一枝強心針一樣，同氣同氣嘅感覺真好～特別係大時大節，閨蜜必定會送上最合心意嘅禮物，見到閨蜜收到禮物開心，自己慳啲又有咩所謂！最近喺《大帥哥》入面表現出色嘅楊秀惠就被狗仔隊影到佢去CHANEL shopping，當大家都以為秀惠買嘢獎勵自己嘅時候，其實佢係買生日禮物畀同劇閨蜜蔡思貝！

Photo from vvyeo @ ig

2月頭生日嘅蔡思貝（Sisley）日前喺個人社交平台發文，見到短片入面嘅Sisley一頭短髮，開心拆禮物，禮物正正係萬千女生為之傾慕嘅CHANEL手袋！蔡思貝寫道「其實⋯佢笑到4萬咁口，係買禮物比我。」仲Tag咗「甜蜜笑容背後的真相」、「被寵的我」。

Photo from sisleychoi ＠ ig

Photo from sisleychoi ＠ ig

Photo from sisleychoi ＠ ig

皆因之前楊秀惠畀記者影到「心情好係咁笑」去買手袋，正當大家以為電視劇收視成績好要獎勵自己嘅時候，原來楊秀惠非常有心，專登親自去專門店揀生日禮物畀蔡思貝。相信當時楊秀惠一定係諗住好姐妹蔡思貝收到禮物係有幾咁開心，先會「笑到四萬咁口」去買手袋。楊秀惠神回覆蔡思貝「所以是獎勵你不是獎勵我。」成日都話禮物講心唔講金，今次楊秀惠對閨蜜「講心也講金」，真係超sweet～

Photo from sisleychoi ＠ ig

其實早喺Sisley生日正日，楊秀惠已經Post咗同蔡思貝慶祝生日嘅相，仲好低調咁用貼紙遮住佢送俾蔡思貝嘅CHANEL袋！明星買名牌袋真係等閒事，但楊秀惠都選擇低調進行，唔愛出風頭，又想閨蜜開心，楊秀惠都真係唔話得～如果唔係Sisley Post出嚟，大家都唔會知道原來Vivien送咗樣名貴禮物俾好姊妹～～

Photo from vvyeo @ ig

當Sisley出完Post之後，唔少網友都留言表示羨慕！Sisley緋聞男友余德丞衝出嚟話：「我生日個陣唔使太重手，折現就得」；一齊拍《大帥哥》嘅洪永城就Tag埋Vivien問佢：「為甚麼我沒有」真係好搞笑！！

楊秀惠同蔡思貝喺《大帥哥》入面分別飾演張衛健嘅老婆「艾妞」同埋「沅婉」，拍完劇集之後亦都培養咗好深厚嘅友誼！！蔡思貝亦都向楊秀惠表示：「有你在我生命裏做我的朋友已經是一個最大的獎勵」，真係超Sweet～

有說「男朋友無咗可以再遇上，但閨蜜就係獨一無二」真正嘅閨蜜情，真係難以取替～特別係人大咗，要搵到一個知心交心好友的確唔容易，大家都要好好珍惜自己嘅閨蜜呢～

Text：GirlsLike Editorial

Photo source：Instagram