【黎明演唱會】姜濤現身落空！跟早餐界KOL張敬軒大談早餐！

By Winky on 18 Jul 2021

Digital Editor

黎明（Leon）正在紅館舉行一連9場的《Leon黎明Talk & Sing 2021紅館演唱會》，昨晚第八場請來張敬軒做嘉賓，二人都是「早餐界」的代表人物。Leon有「唔可以空肚食早餐」經典金句，而張敬軒因為經常分享家傭獨特廚藝而成為「早餐界KOL」，兩人台上講早餐，場面非常搞笑！

Photo from 大會提供

張敬軒對Leon說：「你就唔可以空肚食早餐，而我就食完早餐都空肚！」Leon問點解？張敬軒說：「屋企請咗個十分優秀嘅家務助理……」Leon恍然大悟。軒仔續說：「所以我們上次食飯時，我就食好多，食了兩份。」Leon感嘆：「有時真係可以練到EQ！」，引起全場爆笑。

Photo from 大會提供

張敬軒表示自己是Leon的忠粉，他手舞足蹈地說：「今日真的好開心，我真係無諗過可以企喺黎明嘅舞台！」他特別選唱經典快歌《我的親愛》與Leon合唱圓夢，他們更走勻全場跳經典手勢舞，現場氣氛high爆！

Photo from 大會提供

Leon今次演唱會請來的嘉賓都令觀眾大感驚喜，如︰林海峰、鄭秀文、鄭伊健、麥浚龍等。早前，有網上專頁小編就Leon邀請嘉賓出帖，要求網民集氣希望MIRROR可成為黎明演唱會的尾場嘉賓，不過竟惹起Leon和MIRROR粉絲罵戰！

Photo from 大會提供

專頁小編出帖要求網民集氣希望MIRROR可成為黎明演唱會的尾場嘉賓，稱成事的話就是「完美交棒」。這篇帖子惹來Leon的歌迷不滿，強調黎明才是演唱會主角，他們入場就是想睇Leon，不是為睇嘉賓。有歌迷對帖子中一句「完美交棒」不滿，留言「根本完全唔同級數」、「乜嘢集氣？交乜嘢捧？」

Photo from FB

豈料，專頁小編竟留言指「冇嘉賓就淨睇明仔；有嘉賓就either大家開心吓or廁所位，各取所需」，隨即激怒了一班「鏡粉」，紛紛留言炮轟︰「廁所位...小編你會唔會尊重吓人好啲」，也有網民說︰「鍾意鏡仔真係唔係問題，希望鏡仔做嘉賓都唔係問題，但你用嘅字句就無尊重個藝人，然後你話嘉賓係廁所位，更加盡顯你唔識尊重藝人。」