情侶夫妻必買!高科技「情侶專用智慧床」研發,伴侶瞓過界輸送帶自動幫你調他至原位,碌來碌去無有怕!

情侶夫妻必買!高科技「情侶專用智慧床」研發,伴侶瞓過界輸送帶自動幫你調他至原位,碌來碌去無有怕!

Lifestyle Love
By Michelle on 01 Mar 2019
Digital Editor

相信唔少人都會認同:屋企最舒服嘅地方就係張床。每日最期待嘅一刻就係忙碌工作過後,可以番屋企見到另一半,一齊打機、煲劇後甜蜜地入睡(笑)但對於好多人嚟講,情侶間「睡覺質素」會成為一個困擾,每人瞓教姿勢同習慣都唔同,如果另一半淺眠好易醒、喺瞓教時又好「惡瞓」侵略你嘅空間,都會影響雙方嘅睡眠質素,毫無疑好影響情侶甜蜜度!外國有公司推出「情侶睡眠恩物」,確保雙方都可以瞓個好教,瞓得好,自然無咁易燥底!

Photo from from Pinterest

好多情侶進入熱戀期無幾耐就會急不及待開始同居階段~「睡眠不合拍」真係會大大減低雙方熱情度!至起碼一起身都已經係垂頭喪氣,對住另一半都無哂mood。

Photo from from Pinterest

外國有研究指出,一個人瞓比起同另一半共眠,瞓得好比率高出50%!睡眠專家 Neil Stanley表示,當人進入深層睡眠狀態時,其實對於外在環境係異常敏感,所以當另一半有啲咩「風吹草動」時,睡眠質素就會隨即被影響~

Photo from from Pinterest

但現實係二人瞓教姿勢同習慣都唔同:有人習慣側睡、有習慣仰睡;有人鍾意周圍空間充裕、有人卻鍾意被公仔、攬枕包圍......一啲睡眠懷習慣比如係磨牙、打鼻鼾可能需要搵醫生改善情況,但「碌來碌去」就可以透過高科技床褥改善問題!福特汽車公司就為有「睡眠不合」嘅夫妻情侶設計咗一款特別嘅雙人床—「情侶專用智慧床」

Photo from from Youtube

呢款高科技智慧床叫「Ford Lane-Keeping Bed」,研究人員於床內加入了Lane Keeping Assist 車道維持輔助系統,簡單啲去理解,當其中一方瞓教時唔小心「越界」翻滾過中線,設置於床下嘅輸送帶就會慢慢移動,令佢滾動至原本嘅位置!

至於床點解會知道有人「越界」呢?原理係每張床內都設有壓力感測器同整合式輸送帶,只要壓力感測器偵測到某一邊嘅重量過重或者過輕,就會啟動輸送帶,將兩人送番去合適位置上!

Photo from from Youtube

小編都不得不讚嘆高科技智慧,已經發展到可以間接令愛情保持甜蜜,令情侶間少啲爭執!(笑)目前情侶專用智慧床都仲係設計階段,相信推出後一定深受一眾「苦情人」歡迎!以後夜晚就唔駛怕?位重到成座山嘅男朋友侵略你地盤啦~你無力推郁佢,張床都識得自動幫你解決問題~(拍手!!!!!)

Text: TopBeauty Editorial

Photo Source: Pinterest, Youtube

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK