Edan呂爵安甘於做陪襯自認《E先生》講出內心自卑找到定位、提升自己越戰越勇

By Fennie on 23 Dec 2021

Digital Editor

MIRROR成員姜濤、Edan呂爵安及Anson Lo盧瀚霆擠身商台叱咤「我最喜愛歌曲」五強，Edan日前接受美國華語節目《偶像名人堂》訪問時談及由初出道「只是陪襯」到靠自己的努力終於闖出一片天，雖然輸在起跑線，但後頸非常凌厲。

Photo from fb@Edan Lui 呂爵安

自信曾跌新低

Edan透露自小便由父母栽培很多興趣，包括鋼琴、小提琴、話劇、廣播劇等，到參加《全民造星》時，以為自己能奏能唱能跳，可以好輕易晉身十強，但怎知第一次自信心被擊敗：「入到十強可以去美國，所以就畀咗目標自己要入十強。起初時自信心大啲，覺得我識彈琴、唱歌跳舞又好似ok，應該都幾適合呢個節目，但越玩就越發覺身邊啲人太犀利喇，佢哋啲能力好突出。漸漸地就覺得自己好似捱唔到好耐，自信心越嚟越低。但好好彩，畀我入到最尾十強，就同自己講，未來要更加努力鍛鍊每一個技能，盡快提升自己才可以繼續留喺呢行。」

Photo from fb@Edan Lui 呂爵安

初出道甘做陪襯

Edan自認初出道時不太耀眼，加上花姐曾在《調教你MIRROR》就對他說︰「你只是陪襯。」不過，天生樂觀派的Edan卻認為不起眼有不起眼的好處，趁著未受到高度關注的壓力提升自己、鍛鍊每一個技能，時機一到就追趕。結果，Edan終於憑著能演、能唱、能奏、能跳，同時又是詼諧的主持，成為MIRROR成員當中，成為發展最為全面的一員。

Photo from fb@Edan Lui 呂爵安

第三年才出solo時間剛剛好

相較於其他MIRROR成員，Edan等到第三年才有機會單飛，他被主持問到是否介意在音樂起步比人慢？對此，Edan則表示自己比較傾向男團，不過，到終於獲得公司安排出solo則要把握機會，同時他亦認為第三年才出solo時機剛剛好，因為頭一兩年未有人氣、能力亦未具備好，若是當時出《E先生》，可能不會有今日這個成績：「我成日都覺得，所有嘢都係安排好，順其自然，喺啱嘅時機就會發生。」

Photo from fb@Edan Lui 呂爵安

《E先生》唱出心底自卑

雖然Edan現在回頭望，認為自己出到第三年才出solo是最好的時機，但其實他曾經迷失過。初出道時，因為只是陪襯，他想要找到自己的定位，因此《E先生連環不幸事件》填詞人Wyman寫出他心底的自卑：「當初同佢講，其實Edan好多時會覺得自己每一樣嘢都唔夠叻，或者有時會有啲自卑，佢就寫咗落個愛情故仔度。」到《小諧星》則將他剛出道時沒人認識、沒有偶像包袱而逐漸找到自己的定位，向著諧星方向走下去。

Photo from fb@Edan Lui 呂爵安

拍完《大叔的愛》一度迷失

《大叔的愛》可說是Edan的代表作，亦是發掘他的喜劇細胞，沿著喜劇路線跑。不過，又有誰人知道，其實拍完《大叔的愛》之後，Edan曾一度迷失過：「拍完《大叔的愛》之後唔係好清楚，其實點先至係識做戲、點先為之做得好同自然，嗰時都困擾咗好耐，所以拍《合家辣》要對住咁多前輩，我係超級緊張超級驚。好在佢哋好好，好錫我，經過呢套戲之後，我好似有少少開咗竅嘅感覺，我對部戲係又期待又擔心，到時套戲上畫會有咩感覺，係一個好好嘅經驗。」