【演員．門】羅家英自爆因脫髮入行 《西遊記》周星馳不斷加戲份！
Photo from ViuTV
Photo from ViuTV
因脫髮而入行
羅家英作為香港資深演員，自7、8歲就踏上舞台演小兵卒，後來就受爸爸影響入戲行，本來是粵劇老倌的家英哥，首次銀幕的演出是1993年的《重案組》「我到40歲時開始脫髮，點知個導演需要搵個演員有地中海，佢見到我個樣同主角有百分之五十相似，特別是頭髮，所以係頭髮令我開始拍戲。」
Photo from ViuTV
Photo from Pinterest
Photo from Pinterest
《西遊記》被星爺不斷加戲份
游學修問到家英哥《西遊記》拍攝時劇組特意去遷就家英哥的檔期，更指名要家英哥演唐三藏一事，家英哥就表示「的確係有件咁嘅事，呢件事我問過劉鎮偉（導演）『點解你要搵我做唐三藏？我俾咁少時間你都肯？』佢就話原先只拍一集（《西遊記第壹佰零壹回之月光寶盒》），拍拍下愈加得多戲，又唔捨棄得放棄，就同周星馳商量點樣加戲，最終決定加落唐僧到。當時周星馳就話啱啱同羅家英合作過，做完達聞西好過癮，就搵咗我嚟做，一直加戲份，變成拍成兩套戲（《西遊記大結局之仙履奇緣》）。」
Photo from ViuTV
Photo from ViuTV
曾透露脫髮是人生最介意的事
其實家英哥以前接受訪問時曾提到，以前參加TVB綜藝節目玩遊戲贏到冠軍，當時可以隨便抽一份獎品，誰不知一抽就係洗頭水，仲發現其實全部都是洗頭水，結果當時已經光頭的他只好把所有洗頭水帶回屋企：「我一抽係洗髮水，後來靜雞雞去後面睇，呢份又係洗髮水，嗰份又係洗髮水，擺明裝我，結果有成20幾萬洗頭水，嗰時我已經係光頭。」
Text：TopBeauty Editorial
更多相關文章
曾志偉歡迎MIRROR及ERROR亮相《勁歌金曲》 惟魯庭暉拒讓出席：佢話梗係唔得
06 Jan 2022
TVB與港台破天荒合辦《香港金曲頒獎典禮2021/2022》將於4月3日在九展舉行。TVB總經理曾志偉與港台顧問何重恩在接受媒體訪問時，被問到是否會邀請人氣男團MIRROR及ERROR參與頒獎禮，曾志偉則表示ViuTV台長魯庭暉拒絕讓MIRROR及ERROR出席。
Photo from ig@mirror.weare
Photo from ig@error.weare
Photo from 網上照片
指魯庭暉拒讓MIRROR與ERROR出席
曾志偉與何重恩被問到MIRROR及ERROR可會參與頒獎禮，何重恩強調今次記者會有邀請MIRROR及ERROR出席，但對方太忙不能來：「佢哋覆咗我哋話劇組好忙，要拍戲，希望到時頒獎禮可以參與。」至於MIRROR與ERROR能否亮相《勁歌金曲》等音樂節目，曾志偉直言ViuTV台長魯庭暉拒絕讓MIRROR與ERROR出席：「記得第一日返工就打畀魯暉，問佢MIRROR可唔可以上我哋台，佢話『梗係唔得』。」
Photo from 網上照片
曾志偉強調自己一直希望頒獎禮雲集各歌手參與：「以前廣東歌地位好高，希望所有自己人可以支持，重拾以前光輝。」又表示換轉炎明熹（Gigi）與姚焯菲（Chantel）等TVB歌手若受到邀請，都一樣可以亮相ViuTV音樂節目《Chill Club》。
Photo from ig@mirror.weare
Photo from ig@error.weare
歌手缺席不會影響得獎機會
有傳MIRROR成員Anson Lo盧瀚霆與鄭欣宜撞正頒獎禮，將於同日（4月3日）舉行拉闊音樂會，曾志偉與何重恩被問到歌手會否因缺席而影響得獎機會？曾志偉表示過去也曾經出現過歌手在演唱會現場奪獎的例子，又舉例炎明熹與姚焯菲於剛過去的1月1日有演唱會演出，但她們都有去《叱咤頒獎禮》攞獎。
Photo from fb@Anson Lo
Photo from fb@鄭欣宜 Joyce Cheng
何重恩則表示得獎與否同能否出席是兩回事，並強調會有個完善的制度，頒獎禮將按照機制定出得獎名單：「兩台歌曲榜都有統計，我哋將呢啲歌集合，放喺選舉名單裏面，再根據機制得出嘅總分選出最好聽嘅歌曲同最受歡迎的男女歌手。會係一個公平、透明嘅機制。」
Photo from 網上照片
Photo from 網上照片
曾志偉：希望頒獎禮變永久性
另外，曾志偉亦表示希望能舉辦與電影金像獎一樣有公信力的樂壇頒獎禮，同時亦希望兩台合併頒獎禮只是一次性，未來加入更多合作伙伴變永久性，希望有更多人支持。他又解釋將頒獎禮安排在4月初舉行，是要避開4月中的金像獎，不希望打對台，觀眾才能欣賞兩個頒獎禮。
Text: TopBeauty Editorial
