【人夫放假約出去滾】袁偉豪被指嫁張寶兒唔憂做直言有好多鬱結不介意在愛妻面前做弱者

By Fennie on 10 Mar 2022

Digital Editor

由阿Bob林盛斌主持的訪談節目《人夫放假約出去滾》最新一集邀請到袁偉豪做嘉賓，大談他同太太張寶兒的相識經過、性格和相處。袁偉豪提到被指女尊男卑而造成心中鬱結，直到結婚後才改變心態，更表示願意在太太面前做弱者：「我搵到一個人我心靈上可以依靠，我可以喺佢面前做一個弱者。」

Photo from fb@袁偉豪 Benjamin Yuen

與太太的性格一凹一凸

袁偉豪指太太張寶兒的性格較外向和活潑，與文靜的他性格上是一凹一凸：「佢又唔係好嘈，但佢對每一件事都好真摯，特別係將我嘅爛Gag抬到好高，無聊事佢都可以好開心。」二人於2017年拍攝旅遊節目《打工捱世界II》結緣，更一trip定情：「每一日我都會飲咖啡，有一日佢走嚟同我講『你都幾似鬼佬㗎喎﹗』咁我飄飄然，心諗你都幾欣賞我喎﹗」之後二人互相試探，傾人生、音樂，又傾會不會想快手結婚，然後袁偉豪便問張寶兒：「如果你做我背後嘅女人咁會點啊？」袁偉豪表示張寶兒聽後沉默，當時「靜過太空」，場面尷尬。

Photo from fb@袁偉豪 Benjamin Yuen

Photo from fb@Bowie Cheung 張寶兒

與張寶兒結婚不想重複上一段戀情的結果

後來二人返港正式開始拍拖，袁偉豪大讚張寶兒照顧他和家人都非常之好。但當講到為什麼會結婚，他表示不想再重複前一段關係發生的事：「上一段感情本身想低調，但因為記者朋友發現或者有人通風報信，你唔知點對策，喺事業上升期嘅時候只能夠講我哋係好朋友」，到事業穩定時，袁偉豪承認戀情，外界就會有比較「上一個就好低調，而家呢個就曬恩愛」，袁偉豪直言︰「大佬呀唔關我事架，你哋想我點？」似乎他口中所形容的上一段戀情，正是他跟岑杏賢的一段情。

Photo from fb@袁偉豪 Benjamin Yuen

Photo from fb@Bowie Cheung 張寶兒

直言在太太面前做弱者

袁偉豪坦言自從公開與張寶兒的戀情後不斷承受外界聲音，特別是宣布婚訊後換來的不是祝福，而是一大堆負評，令到他有感這一行不要需要自己：「啲人會覺得我同個家境幾好嘅女仔結婚，我就唔使做，話我嫁咗畀張寶兒。」更直言這個鬱結花了一段時間才能解脫。不過，袁偉豪表示與張寶兒結婚之後互相扶持，更甜蜜表示太太是心靈上可以依靠的人，不需要面子及任何枷鎖：「我可以喺佢面前做弱者，其實做弱者聽老婆話，有乜咁難啫？」

Photo from fb@Bowie Cheung 張寶兒

婚後兩公婆互相支持

婚後張寶兒不只做幕前，又涉獵幕後的形象設工作，為自己的工作重新定位，袁偉豪表示太太會疑問自己在公司還有沒有位置：「好多人都覺得佢嫁咗啦！正如好多人都話我都嫁咗畀張寶兒，使乜做啫？」正正是這些挑戰，他們兩公婆更加互相支持對方。

Photo from fb@Bowie Cheung 張寶兒

人生第一桶金就是娶張寶兒做老婆

袁偉豪和張寶兒結婚後被指入豪門做億萬駙馬，他們兩公婆去年為慶祝結婚一周年而特別安排到酒店Staycation，當時他坦言太太張寶兒是他的最大投資，又表示人生第一桶金就是娶了張寶兒做老婆。他們亦不斷互數對方的優點，張寶兒感激袁偉豪樂意為她拍照、拍片，更加好欣賞丈夫為人坦白、不愛計較，對身邊的人非常大方，袁偉豪又指老婆讓他滿足兒時買車買玩具的興趣，又體諒他與女拍檔拍親熱戲。兩個不同個體的人在一起就是要互相欣賞，婚姻才能長久維持。

Text: TopBeauty Editorial

【人夫放假約出去滾】黎諾懿自爆被太太裝APP監視行蹤直言婚後生活大改變現只會去2地方

袁偉豪、張寶兒結婚一周年拍片慶祝：娶你係賺到人生第一桶金！

10 Dec 2021

TVB藝人袁偉豪及張寶兒結婚一周年，除了在IG上分享去年婚照，兩人最近就到灣仔一間酒店Staycation慶祝，兩公婆甜蜜放閃外，亦有大談兩人對於婚姻、工作上的想法！

Photo from IG:_bowiecheung

笑言老公拍劇忙難「度期」慶祝

今次袁偉豪、張寶兒就選擇以Staycation好好慶祝，然而負責拍片的張寶兒就埋怨老公袁偉豪每日拍劇拍通宵，很難「度期」慶祝，所以今次的二人世界也是得來不易呢！

Photo from IG:_bowiecheung

婚姻生活一周年

對於結婚一周年，袁偉豪就說：「當二合為一的時候，分工好了，現在的相處係舒服過拍拖時。（點解？）一來有自己的屋企，請了工人姐姐，所有事情留給工人姐姐做，我們就專心去做自己事，即係返工同去玩！」而老婆張寶兒亦表示好欣賞丈夫坦白、不愛計較，對身邊的人大方的性格，「呢兩年我哋冇收入……你去愛錫身邊嘅人，呢個係你性格……我知你唔會收埋私己錢。」

Photo from YouTube

袁偉豪愛的宣言

當張寶兒表示「你鍾意買車同買玩具，因為細個冇能力買，而家就想去滿足自己，但我角度，你捱咁多年，既然有一筆資金，係咪應該拎去投資呢？」而老公袁偉豪即時就發表「愛的宣言」：我投資咗啦！投資喺你身上囉！我賺到人生第一桶金就係娶咗張寶兒做我老婆！

Photo from YouTube

Photo from IG:_bowiecheung

花盡積蓄娶老婆是值得

隨後袁偉豪坦言入行多年以來，2016年事業才漸有起色，2018年後有一年半時間就選擇停止拍劇，與張寶兒周圍旅遊，好好休息，接著他亦直言「後來結婚……坦白講結婚已用晒我所有嘅錢，所以我話第一桶金就係娶咗老婆，呢個真係一個好大嘅滿足感。娶你番嚟的確花咗好多錢，不過我仲有賺錢能力，用晒咪再賺過。」這一句話真的很甜蜜！不少網民都大讚二人相處方式很好，這些才是真正的夫妻相處之道！