唐詩詠坦言當年找到男友出軌證據 認深愛對方難放手 更奉勸不要看男友手機
被外界稱為「最佳女友」的唐詩詠，繼早前現身由楊詩敏（蝦頭）及連詩雅（Shiga）主持的節目《絲打圍爐》，分享了自己對付第三者的經驗。最近她又再度亮相大談舊情史，重提曾被前度無時無刻Check電話，又透露自己面對男友出軌時曾用盡不同的方法應對，更奉勸大家「不要去搵證據！」
Photo from fb@唐詩詠 Natalie tong
已有第六感對方會出軌
唐詩詠重提當年得知前度出軌時，其實自己已經有第六感，在拍拖的過程中已經感覺到對方會出軌，於是她不斷找證據證明對方出軌：「拍拖情侶太親密、日日見，一啲好小嘅行為，已經好易Feel到對你嘅愛係多咗定少咗。我Feel到佢對我唔同咗，就突然間，第六感覺得要睇佢電話。」
Photo from 影片截圖
Photo from 影片截圖
詩詠表示沒有一個女人會忍受到另一半出軌，當開始看男友的手機時，找到對方出軌的證據，就會一直想繼續睇對方的手機，完全無法停下來：「我搵到佢出軌證據，但嗰刻你會唔會選擇分手呢？可能又唔會，我試過不停搵啲嘢去令自己死心，但又冇死心，可能你亦Feel到佢愛我，女人一旦感受到愛就好難放棄。」
Photo from fb@唐詩詠 Natalie tong
Photo from fb@唐詩詠 Natalie tong
奉勸不要找對方出軌證據
詩詠表示當越是找對方出軌的證據，自己反而越來越不開心，最後決定不再看男朋友的手機，可能對方仍然會繼續出軌，自己亦有可能被蒙在鼓裡，但至少在拍拖的過程中，每一秒都是愛對方。詩詠更奉勸大家不要去找證據：「千祈唔好去搵證據！真係好戇居，好戇居，個天總會有一日話你聽，佢係出咗軌。」
Photo from fb@唐詩詠 Natalie tong
Photo from fb@唐詩詠 Natalie tong
曾多次被崔建邦背叛
詩詠入行以來只承認過與余文樂、崔建邦和洪永城有過一段戀情，雖然她未有點名出軌男友的身份，但似乎崔建邦嫌疑最大。詩詠與崔建邦拍拖8年期間，男方多次被爆夜蒲、偷食、緋聞不斷，而詩詠選擇一次又一次地原諒，更為崔建邦公開發聲護航，可是崔建邦依然死性不改，詩詠最後無法忍受男方花心、不忠的性格而結束斷斷續續8年的感情。
Photo from 網上照片
曾被前任Check手機
詩詠似乎每次談戀愛都是受傷的那位，她被兩位主持要求分享一次對愛情最為失望的經歷，她透露自己曾遭到前任要求Check她的手機，那時詩詠認為自己沒有秘密，於是就同意讓對方看手機：「但佢食緊飯又睇，瞓覺前又係咁睇，佢唔係係咁咦睇，佢係睇晒你同嗰個人嘅所有對話，一部機可能保存啲對話兩年，佢就睇晒兩年嚟講過啲咩。係嗌交嘅時候，佢突然講一句，你曾經有同佢講過呢句說話，我自己都唔記得咗，但佢好有信心話你講過。」詩詠直言覺得對方非常不信任自己而感到好失望。
Photo from fb@唐詩詠 Natalie tong
Text: TopBeauty Editorial
更多相關文章
唐詩詠自爆曾遇男友出軌！試過想盡辦法擊退第三者 最終明白「做得幾好佢都會有小三」
18 Apr 2022
較早前唐詩詠同伍允龍傳緋聞，但卻被唐詩詠否認關係，被外界稱為「最佳女友」的她多年來每段感情都未能開花結果。最近詩詠亮相由楊詩敏（蝦頭）及連詩雅（Shiga）主持的節目《絲打圍爐》，大談絕世好女友的標準，直言無論做得幾好、怎向男友撒嬌，都無法防止第三者埋身，更分享了自己對付第三者的經驗！
Photo from YouTube截圖
Photo from YouTube截圖
曾試過想盡辦法擊退「小三」
唐詩詠在節目上坦言，無論做得幾好，對方都會有第三者，又坦言自己試過想盡辦法擊退「小三」：「講真我咩方法都試過，例如帶佢去拜神呀，我就求佢要好愛我囉。」
Photo from fb@唐詩詠 Natalie tong
Photo from fb@唐詩詠 Natalie tong
唐詩詠隨後又坦言這個方法未必能與另一半走到最後，因為二人相處是一門學問：「當一有小三嘅時候，你會跌入個窿度，你淨係諗小三快啲走啦，或者你返嚟我度啦，但係忘記咗最重要嗰樣嘢就係其實你咁樣呢個狀態，冇人會愛你囉。」
Photo from fb@唐詩詠 Natalie tong
唐詩詠認為，只要生活得好，保持正面情緒，那個人去定留，他自然會選擇：「唔係輪到你去避佢，或者你做所有嘢去避嗰個小三係冇可能㗎，因為生命中佢會出現，佢就一定會出現，而個男人要選擇佢都係會選擇佢。」又認為就算最後能擊退小三，但都未必可以同對方維持一個長遠的關係，加上變相會依賴對方，忘記自己。
Photo from fb@唐詩詠 Natalie tong
唐詩詠出道多年只公開承認3段戀情，但在每段戀情中，她似乎總是受傷的那位。詩詠初入行拍港台劇《青春@Y2K》與同期出道的余文樂拍拖，有指余文樂因戲戀上盧巧音而導致這一年多的感情玩完。
Photo from fb@唐詩詠 Natalie tong
多次被崔建邦背叛
唐詩詠於2005年因同崔建邦一齊主持《K-100》而撻著，二人拍拖8年期間多次離合，崔建邦多次被爆夜蒲、偷食、緋聞不斷，詩詠選擇一次又一次地原諒，更為男方公開發聲護航，可是崔建邦依然死性不改，詩詠終於無法忍受男方花心、不忠的性格而結束斷斷續續8年的感情。
Photo from 網上照片
與崔建邦正式斬纜後，唐詩詠同洪永城因戲結緣，但洪永城被爆多次與前度藕斷絲連，又同拍檔黃翠如、蔡思貝、林夏薇等傳緋聞，但詩詠每次都投信任票，她表示只是正常社交、普通花邊新聞，可是二人最終分手收場。
Photo from 網上照片
完美女人需具備媽媽的特質
多段感情都無疾而終，而唐詩詠對每段戀情都表現大方、不說對方壞話而被封為「絕世好女友」，她被兩位主持蝦頭及連詩雅大讚溫柔知性，絕對是最吸引男士的類型。不過詩詠就認為不論是任何類型都需要具備媽媽的特質：「我覺得咩類型嘅男人都係一個小朋友，你需要好似一個媽媽咁去照顧佢嘅感受，你要呵護佢，好focus喺佢度，其實我覺得係有啲攰嘅，但呢個係必須嘅，因為我發現如果你冇呢一樣嘢，佢哋好多時候會覺得被忽略，但係如果你用咗啲tone唔啱呢，佢又會覺得你煩。」
Photo from fb@唐詩詠 Natalie tong
Text: TopBeauty Editorial
