買到就是賺！范冰冰點名日本PDC酒粕面膜，殿堂級母公司Pola出品，白菜價錢有燕窩效果～

要數近年日本流行護膚品，一定非酒粕面膜莫屬！火熱程度更紅遍日中港台～當中身為元祖級嘅PDC酒粕面膜更成為大熱，畀保養達人范冰冰介紹完後，市場上唔少代購仲一度斷晒貨～想塊面又白又滑，不妨參考范爺嘅好物推薦，一齊睇吓呢款面膜有何神奇之處吧！

Photo from 11po27 ＠ ig

品牌PDC Wafood Made酒粕面膜係貴婦品牌POLA旗下一個開架面膜品牌，母公司貴為日本殿堂級護膚品牌，質素有一定保證！范冰冰唔單止用嚟敷面，愛美白嘅佢更敷埋手！

Photo from from 小紅書

相信女生對SK-II廣告並唔陌生吧～仲記得廣告入面年紀老邁嘅釀酒婆婆有一對猶如少女般幼滑嘅雙手，手部肌膚白滑而幼嫩，令人認識到酒粕嘅威力！大名鼎鼎嘅神仙水更成為唔少人至今心目中嘅最愛～

Photo from from 小紅書

其實日本都有唔少小眾品牌有推出酒粕成份嘅護膚產品，今次小編要推廣嘅就係PDC酒粕面膜～佢採用日本熊本縣河津酒場嚴選嘅酒粕精華，所謂嘅酒粕，就係日本清酒發酵時留低嘅精華，富含大量保濕因子、美白因子，有非常好嘅修復作用，更可提高皮膚免疫力，同時有助改善膚色暗沈泛黃同色素沈澱等問題～

Photo from from 小紅書

另外，產品亦配合左日本阿蘇農場既大米同美容精華，有效柔潤肌膚，去除含有黑色素既老化角質，令膚色回復白皙透亮感！

Photo from fetchawish ＠ ig

PDC Wafood Made酒粕面膜係用擠壓式一環保包裝環保包裝，一打開瓶蓋已經會聞到一股甜甜既酒糟味道，擠出嚟係白色厚實嘅膏體，夾雜住米渣嘅膏體手感軟綿綿，感覺好似豆腐渣一樣～

面膜喺小紅書入面超級火熱，有網民大讚「白菜價錢、燕窩效果！」而且建議大家要配合按摩，效果會更加好～由於補水效果極佳，因此用完後皮膚明顯變柔軟，亦有收細毛孔功效，上妝都會更加貼服！

Text：TopBeauty Editorial

Photo Source：Instagram, 小紅書