求你為咗我減下肥啦！研究：肥胖會傳染，身邊肥朋友愈多就愈易肥～

病就話會傳染姐，原來肥都會傳染！有研究發現，同肥人做朋友真係會比較易肥嫁～美國南加州大學指出肥胖係可以「傳染」嘅，而且身邊肥嘅朋友愈多，自己就愈容易肥。所以，為咗你嘅健康同外觀著想，快啲叫你身邊嘅朋友減肥啦！

Photo from Pinterest

美國南加州大學嘅研究就發現，如果你搬到肥胖率較高嘅地區，都會增加你變肥嘅風險

Photo from Pinterest

而身邊朋友嘅肥胖率每增加一個百分點，你超重或者肥胖嘅機會就會增加6%。即係假設你有100個朋友，每多一個朋友變肥，你肥嘅機會就會增加6%。

Photo from Pinterest

南加州大學嘅Dr. Ashlesha Datar，喺全國38個軍事基地招募美軍家屬參加研究，參與者一共有1,314名父母以及1,111名兒童。研究最終發現，當參加者分配到肥胖率較高嘅基地，佢地超重或者肥胖嘅機會就會增高。

Photo from Pinterest

但肥胖唔係一個病，點解又會有傳染性呢？Ashlesha認為，背後原因係社區朋友之間嘅互相影響：「人會潛意識仿傚身邊的人，如果你周圍的人都不做運動，那麼你都不會做運，換言之，在他們越來越胖的同時，你都會越來越胖。」

Photo from Pinterest

咁聽落又好似有道理，平時見到身邊朋友大飲大食都會被感染，跟住一齊食！有網民仲開玩笑話，指同瘦人做朋友唔知會唔會一齊變瘦～計小編話，索性快啲將身邊嘅魔鬼搵出嚟，逼佢減肥啦（笑）

Photo from Pinterest

Text：TopBeauty Editorial

Photo Source：Pinterest