三子之母身材仍像少女!38歲張柏芝勉勵女性「不管多忙,女人要保持心態、毅力、身形和自己的價值」

三子之母身材仍像少女!38歲張柏芝勉勵女性「不管多忙,女人要保持心態、毅力、身形和自己的價值」

Health and Fitness Hot Topics
By Michelle on 29 Mar 2019
Digital Editor

張柏芝舊年誕下第3胎「小王子」,雖然已經係38歲高齡產婦,但3度榮升媽咪後,仍然可以極速修身,身材同臉蛋仍然依舊美麗~想知道柏芝到底用咩方法極速瘦下來?日前佢就喺ig上載一張做平板支撐動作嘅相,勉勵女性「不管多忙,女人要保持心態、毅力、身形和自己的價值!」

Photo from cecilia_pakchi_cheung @ ig

正所謂天下冇肥、醜嘅女人,只有懶女人,貴為三子之母嘅柏芝曾經自爆佗「小王子」時體重最高去到180磅,但好快就極速修身!年初柏芝仍然未修身成功,但佢只係用咗一個月多左右,一月中跟星爺於廣州宣傳電影嘅時候,已明顯成功「還原靚靚拳」—零小腹,著短袖衫時手腳都非常纖幼,完全係20多歲嘅少女身型~!

Photo from from Weibo

柏芝公開飲食小秘訣,就係平時如果口痕想食零食,佢會食生洋蔥,由於洋蔥的熱量低,膳食纖維都可以促進腸道蠕動,抑制身體吸收食物的脂肪,對於燃燒脂肪好有效!

廣告
廣告

Photo from from Weibo

Photo from from Weibo

柏芝ig上大哂身材,身穿湖水藍色運動衫嘅佢正喺到做平板支撐動作,又留言勵女性:「不管多忙女人要保持心態毅力身形和自己的價值,不容許自己有任何藉口放棄自己原則和規律,所以大家問點解我生咗三個仔,都唔似生咗仔嘅媽媽,其實背後付出了很多努力的,加油各位媽媽,女士們,只要你願意可以永遠停留未生過嘅體態。」

Text:TopBeauty Editorial

Photo Source:Instagram,weibo

【看更多OL專屬最新美容時尚資訊】
👉🏻 立即Follow Instagram topbeautyhk
Share to Facebook