別再怕會口臭而不吃！洋蔥是減肥聖物，韭菜排毒美顏，蒜頭還能促進膠原蛋白生長～


身邊好多女仔都好怕口臭三寶：洋蔥、韭菜和蒜頭。食譚記走韭就必定，哪怕碟餸只係得一千零一條洋蔥都會被佢地毫不留情地挑出來～其實佢地好多時唔係真係怕咗浸味道，而係習慣咗見到就唔食，形成偏食習慣。但你又知唔知其實呢三種口臭食物係女士恩物，美白減肥抗衰老樣樣得～睇完可能你下次唔會咁輕易挑哂佢地出來了～！

Photo from Pinterest

1.洋蔥

洋蔥係非常之好嘅減肥食物，皆因佢含大量水份和豐富膳食纖維，令人容易有飽肚感～加上熱量超低，食5個洋蔥先等於一碗白飯嘅熱量！另外洋蔥含有豐富營養，例如維他命C和鉀質，可以美白去水腫，另含有穀胱甘肽(Glutathione)可抑制皮膚黑色素形成，唔少保養品都會添加此成份～！

Photo from Pinterest

生食洋蔥最好，可以保留最多營養，但生洋蔥味道刺激，可能唔係個個接受到，日本營養師村上祥子就發明左「洋蔥冰」，將洋蔥打成蓉後放入製冰格成一粒粒，洋蔥雪冰後會完全無左辛辣嘅感覺，而且味道甜甜的，據說討厭洋蔥嘅人都會接受到，每日食2-3粒已經可以達到減肥美容功效了～！

Photo from Pinterest

2.韭菜

如果想皮膚白淨健康就一定不可不吃韭菜，韭菜含有維他命C、鐵、鎂、葉酸等多種營養，維他命C可以達到抗氧化，增加皮膚對抗黑色素能力～豐富鐵質和葉綠素更有助貧血，加上韭菜可以改善手腳冰冷問題～簡單就係屬於女士嘅食物啊～！

Photo from Pinterest

Photo from Pinterest

3.蒜頭

以前韓國宮廷中有個說法，用餐前吃醋蒜腰就會變細～其實蒜頭含豐富維他命和礦物質，每日一食一至兩粒蒜頭能增加天然膠原蛋白，令皮膚變得白滑有彈性～蒜頭內的蒜素（Allicin）更有助增強免疫力，促進血液循環，清除體內物質，有很好的瘦身效果～！

Photo from Pinterest

Photo from Pinterest

以上三款重口味食物都係好有營養的食品，如果怕會產生口氣可以事後飲綠茶清除味道～或者和約會對象一起進食，大家都有味道就不會介意啦～（笑）

Text：TopBeauty Editorial

Photo source：Pinterest