每次你放假我都很空虛呀！職場好閨蜜的特徵，職場如戰場，但慶幸有戰友～

有人話「職場如戰場」，但如果可以喺工作上搵到一、兩個知心好友，實在係非常難得，只要有佢地喺到，令到平日沉悶同充滿壓力嘅工作都變得更加易過～以下就有8個職場好閨蜜特徵，唔知你搵到呢個人未呢？

# 對付討厭同事非常團結

每一個職場都總會有令人討厭嘅人，而最幸運嘅莫過於係有一個同你「志同道合」可以陪你一齊對抗乞人憎同事！

Photo from 電視劇照

# 下班後或假期都會見面

同事番工已經日日見，如果係番辦公室更係一星期至少見足5日！如果你地連放咗工，甚至假期都會見面，就代表你地嘅關係已經一早超越同事啦！

Photo from 電視劇照

# 只有你們才知道的同事綽號

為咗方便你地平時講野，你地會幫某啲同事起綽號，而呢啲綽號只有你地會知，算係你地兩個人之間嘅共同語言～

Photo from 電視劇照

# 永遠的飯腳

你地成日都會好似孖公仔咁，就連食lunch都會喺大家永遠嘅飯腳，一齊出去食、一齊叫外賣，就算其中一個要帶飯，都一定會提早一日通知對方～

Photo from 電視劇照

# 下班後還會通訊聊天

即使係喺公司已經傾咗成日計，但番到屋企都依然會keep住send信息，唔係淨係會傾公司嘅事，仲會講下自己日常嘅野，就好似一般朋友咁！

# 一個眼色就知道大家在想什麼

例如開會嘅時候上司提出無理要求，或者係某位同事又有咗咩古怪野，任何時候遇到咩事只要一個眼色，就會知道對方諗緊咩～

Photo from 電視劇照

# 對方放大假會有種空虛感

平時日日都有嗰位同事陪你，遇著佢放大假，或者病咗，就會有種莫名空虛感，覺得身邊好似少咗啲野咁，分分鐘仲會因為無佢陪你傾計而自閉一整日！

Photo from 電視劇照

# 對方升職加薪會替他高興

所謂真正嘅職場好閨蜜，喺你升職加薪嘅時候係會真心替你開心，因為佢已經當咗你係真正朋友，而唔係戰場上嘅對手呀！

Photo from 電視劇照

Text：TopBeauty Editorial

Photo Source：電視劇照