腳踭龜裂、頸紋暴露大扣印象分！5個女生最易忽略保養部位，從頭到腳當個完美女生～

By joycecheung on 01 Apr 2019

現今網上資訊發達，好多女仔上下網已經知道基本保養知識，例如臉部清潔、保濕、防曬等，出門前都會好好化妝和打扮一下，務求令約會對象留下好印象～但你又有冇諗過以為自己打扮得完美，但腳踭龜裂和粗糙的頸部會嚇怕對方？身體細節部分往往係暴露年齡嘅元凶，立即改善當個從頭到腳都完美的女生吧～！

Photo from Pinterest

1.腳踭

天氣逐漸和暖，涼鞋拖鞋又悄悄出動了～但收埋咗成個冬天嘅腳踭你又有冇好好留意佢呢？經常著涼鞋高跟鞋嘅女士腳踭會特別容易乾裂，夏天露出一個又黃又乾的腳踭簡直會一秒變大媽！腳踭一定要勤力做保養，建議沖涼時可以順便幫腳踭做磨砂，一週可以做1-2次，如果選擇含有油性嘅磨砂仲可以順利做埋潤膚～特別乾嘅日子就要另外塗保濕霜！男人看到少女踭都會特別心動～

Photo from Pinterest

2.頸部

當你以為臉上保養得好好，但一條頸紋已經會暴露你嘅年齡！其實頸同臉同樣重要，平時塗保養品嘅時候記得唔好忽略條頸～外出都要將頸部露出嘅地方好好塗上防曬，如果唔係好易變成兩色人了～！

Photo from Pinterest

3.耳朵

耳朵好容易會分泌油脂，形成粉刺，當你有完美無瑕的臉孔，但耳上滿佈粉刺暗粒，我係男生都唔會想有進一步行動啦！平時用洗面奶清潔臉部可以順便清潔耳朵，乾乾淨淨的耳朵戴起耳環都會特別美！

Photo from Pinterest

4.手踭

手踭經常彎曲及磨擦，角質會特別厚，好容易會變黑變粗糙！夏天著短袖又無可避免露出來～如果乾燥甩皮更加會倒胃口！手踭和腳踭一樣要勤力做磨砂，緊記磨砂要好好做保濕！

Photo from Pinterest

5.手部

手部經常會展現係人前，無論你指甲整得幾靚都好，乾到皺皮嘅手一樣會暴露年齡！每次用洗手液洗完手其實都會令手部更乾，所以勤力的女生袋中都會有一枝潤手霜，每日都要密密塗！潤手霜要仔細塗滿手指、指間、指尖等細節，如果要接觸洗潔精緊記要戴手套！另外可以每星期厚敷一次手膜，和面膜一樣敷個10-20分鐘，男生都會爭著拖你的手啦～！