女人一生隨時吃超過300枝唇膏！拒絕唇膏當零食，愛美的你一定要留意
愛美嘅女仔每日都會搽唇膏，唇膏就好似救命丹咁，如果有一日唔記得帶唇膏出街會好不安，因為一唔搽就會面無血色，隨時嚇親人！每日又飲水又食野，一日都要補5、6次，你又有冇諗過每日食咗幾多唇膏落肚呢？
Photo from Pinterest
外國有研究指出，女人平均一生有機會食左1.8kg唇膏落肚，如果當每枝有5g，咁即係成360枝？！不知不覺間竟然食左咁多，唇膏好似變成我嘅零食咁，真係嚇親寶寶咩～
Photo from Pinterest
每日搽咁多落個嘴，但又知唔知唇膏係有咩成份？唇膏主要成分有由蠟、油、同色素，蠟通常會用蜜蠟、棕櫚蠟、石蠟；油最常見會用蓖麻油、羊毛脂或石蠟油（即是凡士林），有些唇膏會添加香料，甚至會加入雲母、氧化鐵、二氧化鈦令其有閃燥效果，有些還會添加苯甲醇、二丁基羥基甲苯等防腐劑，簡直就像每日食一堆化學名稱落肚～
Photo from Pinterest
Photo from Pinterest
咁係咪要戒掉搽唇膏嘅習慣？其實只要掌握正確搽唇膏嘅小習慣，可以擁有靚靚美唇之餘，又可以避免食更多唇膏落肚～
1.搽有色唇膏前先用潤唇膏打底，可以預防色素直接接觸唇部，避免色素沈澱～
2.搽唇膏後用紙巾輕輕印走表面，除左避免過多唇膏吃落肚，仲可以令唇膏更持久，咁就唔使補咁多次啦！
3.進食前緊記要抹走唇膏！好多女仔都會因為懶而直接跳過呢步，但唇膏始終都係化學物質，你都唔想食左300幾枝落肚掛～
4.夜晚卸妝要徹底卸走唇膏，如果用不易脫色唇膏就更加要用專用卸妝液！如果唔係羊毛脂和色素等化學物質沈澱，會加深唇紋同唇色架～！
5.可以選擇成分天然唇膏，例如用亞麻籽油或荷荷巴油，有些更聲稱孕婦適用，更加可以直接食落肚～
Photo from Pinterest
搽唇膏雖然係靚，可以話係不可缺少化妝品之一，但始終都係搽落嘴，無可避免會食落肚～女人除左對外表負責，對健康也要負責～！大家記得要留意一下啦～
Text：TopBeauty Editorial
Source：ctvnews
Photo source：Pinterest
