幻想另一半樣貌可即時緩解壓力～實驗證明血壓有下降跡象，而且同時達減壓效果！
大家平時有壓力會點樣減壓呢～同朋友飲嘢食飯？定係瘋狂購物？有研究分享咗個唔需要洗錢又可以馬上減到壓嘅方法！就係只需靠想像力，即時諗住另一件個樣就可達減壓效果！不過如果妳嘅壓力來源就係妳另一半，睇黎依個方法就唔多岩妳啦！
美國University of Arizona做咗研究證明只要有壓力時幻想另一半樣貌就可以有減壓效果。而壓力來源小至準備見牙醫緊張，大至關乎生離死別，都可以透過幻想另一半樣貌而舒解壓力。
Photo from ig @ wongtsuiyu
Photo from ig @ rucochan
研究隨機將102個實驗對象分成三組，接受「將腳泡在冰寒中長達4分鐘」嘅挑戰。第一組受試者有另一半在場陪伴；第二組沒有另一半陪伴，但實驗進行時必須係腦海中想像另一半樣貌；第三組同樣無伴侶在場，但唔需要想像另一半樣貌，只需要回想今日發生過行程就可以。
Photo from ig @ 6wing_fama
Photo from ig @ aimeechan_official
結果發現，第一組有另一半在場陪伴嘅實驗對象喺模擬面對壓力情況下，血壓係三組最低，而血壓同單靠腦海中想像另一半樣貌嘅第二組很接近～相反，無伴侶在場嘅第三組血壓同另外兩組相比之下高出很多。亦即是話單靠想像另一半樣貌就已經可以有緩解壓力效果。
Photo from ig @ louischeung2013
Photo from ig @ yungchoyee
單身嘅朋友唔洗灰心！如果妳又想靠想像力減壓的話，可以試下研究學者建議，想像一啲對妳有強大愛意而且信任嘅人，例如：爸爸媽媽或好朋友，同樣有減壓效果！不過如果妳發現想像另一半樣貌依個方法對於減壓無效果，而且有煩厭效果，咁妳就要好好審視一下妳地關係了～
Photo from ig @kalok_
