回憶過去有益身心～研究：常念舊和懷舊的人心靈更健康—工作有動力、內心比一般人強大！

你愛回憶過去嗎？身邊相信都有唔少人咀邊成日講「舊時點...」，又或者一首老歌、一張舊合照，都足以令你眼泛淚光。你屬於呢種容易睹物思情、愛「懷舊」嘅人嗎？其實早有科學證明，「懷舊」感覺會令大腦產生有趣嘅變化，對心靈起了積極正面嘅帶動～

Photo from renciysw @ ig

＃1 喚起正面情緒

英國薩里大學於2017年做咗一項研究，指出當人懷念一啲有意義嘅事物時，會產生快樂情緒。於回憶過往時，大腦中主宰積極情緒同感受嘅神經元會表現得特別活躍。

Photo from wongmanyik @ ig

＃2 令你內心更強大

一項2013年於紐約時報發表嘅 研究 指出懷舊係促使心理健康的重要情緒。懷舊過程中，即使回想起挫折同痛苦，都會有一種「我已經克服了」嘅積極情感，當你覺得自己可以克服問題時，就會更認同自己能力。同時，研究都指出鐘意懷舊嘅人心理韌性更高，更唔會咁易感到孤獨。

Photo from trxcychu ＠ ig

＃3 令你更有動力

2013年一項美國 研究 發現，懷舊可以增強人對未來嘅積極同樂觀，而且可以升自尊心！不妨回帶諗番曾經升職加人工、第一次面試成功、第一次工作時備受肯定嘅情況，呢啲美好而成功嘅經歷雖然已成舊事，但有助你增強信心同動力～

Photo from missjni @ ig

＃4 阻止負面情緒

美國學者 Elizabeth Loftus指出：從過去尋求慰藉，係一種自我療癒方式。你有無發現喺腦海中，舊時嘅日子特別快樂？例如係細個做好功課就有得玩，無憂無慮，但你就忽略咗細個畀人鬧、公開考試極大嘅壓力等等令你唔開心嘅事。普遍人都喜歡懷念童年，特別係於現實中感受到壓力時，更會特別掛住以前嘅種種美好～即使你嘅回憶未必完全正確，但有「懷舊情感」就代表住有強大嘅撫慰功能，可以幫助我們度過低潮。

Text：TopBeauty Editorial

Photo Source：Instagram