你是我最好的減壓良方！研究：有壓力時想著另一半的臉，即可得到紓緩～

都市人每日都承受住唔同嘅壓力，番工、番學、家庭、人際，咁多壓力一下子逼近，想減壓都唔係咁易～不過近日美國就有研究指出，要極速減壓原來好簡單，只要諗住另一半就可以1秒減壓，到底點解會咁神奇？

Photo from louischeung2013 @Instagram

美國亞歷桑那大學（University of Arizona ）喺 Psychophysiology期刊上發表研究指出，只要幻想另一半嘅樣，就可以減低恐慌同焦躁不安嘅感覺，從而緩解壓力。

Photo from edwinsiu @Instagram

研究請來102位試驗者，將佢地隨機分成三組，而且要將腳浸入攝氏3度嘅水入面4分鐘，並喺實驗前、過程中同埋結束後測量佢哋嘅血壓、心率變異，以量度佢地嘅壓力程度！

Photo from q_gill @Instagram

第一組人浸腳同時有另一半在場陪伴，第二組浸腳時諗住另一半嘅樣，第三組浸腳腦海要想像一整天所發生嘅事。

Photo from myoliemyolie @Instagram

結果發現，第一組試驗者面對壓力時，血壓升高嘅反應比無人另一半陪伴嘅試驗者低。第二組雖然無伴侶陪伴，但佢哋單憑想像對方嘅樣，都令到血壓升高速度變慢，可以達到上一組人相似嘅實驗結果。

而無伴侶嘅你都可以利用呢個方法減壓，研究指就算唔係諗住伴侶，諗下家人、朋友等對你重要嘅人，都可以達到相同效果～

Photo from yungchoyee @Instagram

所以下次你再感到壓力嘅時候，不妨諗下身邊最重要嗰個啦！如果之後壓力真係得到紓緩，就代表佢對你真係好重要，要好好珍惜啦！

Text：TopBeauty Editorial

Photo Source：Instagram