皇室都有大細超？！爆老爺查理斯曾提醒梅根打扮要低調，同日凱特卻以戴妃皇冠示人～

大家都知道英國王室向一向規矩多多，從飲食到衣著打扮都有一套規定，所有王室成員都要遵守以免惹「事頭婆」英女王不滿！英國薩塞克斯公爵夫人梅根作風一向高調，舊年10月到訪斐濟（Fiji）時，竟然被老爺查理斯提醒要注意衣着打扮，唔好戴皇冠出席晚宴，但於同一晚另一個晚宴上，大嫂凱特就戴上鑲滿鑽石同珍珠嘅皇冠，感覺極盡奢侈，唔通皇室都有「大細超」？其實戴皇冠一事都見到背後嘅規矩玄機！

舊年10月，梅根第一次以皇室身份出席到斐濟嘅晚宴，查理斯當時善意提醒當晚捫扮唔應該太奢侈，以免令人聯想起英聯邦時代。最後梅根雖然無戴皇冠，但就仍然配戴咗相信係從「皇家收藏品系列」借來嘅鑽石耳環。

Photo from from Pinterest

後嚟有評論指其實呢件事跟身份同得寵程度並無有關係，只係當時考慮到宴會性質—當晚凱特係出席接待荷蘭國王威廉亞歷山大、王后馬克西嘅的宴會，而考慮到斐濟人民平均月入，梅根就要行「低調路線」唔可以配戴皇冠。

Photo from from Pinterest

對英國王室來嚟講，皇冠等同於結婚戒指，只有已婚的王室成員先有資格佩戴。傳統會為女性王室成員準備皇冠，當佢哋出嫁時必須佩戴皇冠以彰顯貴族身份；而無王室血統的女性嫁入王室時，已婚王室成員或英女王會借出自己嘅皇冠畀佢哋佩戴，以示祝福。

Photo from from Pinterest

梅根自嫁入皇室第一次，亦係唯一一次佩戴皇冠就係大婚當日，戴上英女王借出嘅皇冠「The Filigree」。

Photo from from Pinterest

Text：TopBeauty Editorial

Source：Daily Mail

Photo Source：Instagram