終極懶人減肥法！德國研究：蒙眼進食可控制食慾、食量～
閉上眼睛就能瘦！

減肥真係一條艱苦之路～除左要每日勤力做運動外，仲要面對美食當前嘅誘惑～身為一個夢想嚐盡天下佳餚嘅吃貨，有得睇冇得食真係令小編受盡唔少煎熬⋯⋯正所謂「眼不見為淨」，有時睇唔到可能會更好，其實減肥唔一定要節食嘅～仲有一個終極懶人法幫到你！

Photo from Pinterest

有研究發現在黑暗中進食有減肥功效！德國康斯坦茨大學係研究中邀請左90名學生進行測試，學生分開兩組，一組係光亮嘅地方食三款不同味道嘅雪糕，另外一組則蒙眼係漆黑中進食～試驗者需要係測試中感受雪糕嘅味道同埋質地，並估計自己究竟食咗幾多雪糕～

Photo from Pinterest

結果發現，沒有蒙眼的學生覺得雪糕比較好味，而蒙眼進食嘅學生則覺得雪糕味道特別，需要適應；另外，見到食物嘅一組平均每人食咗116g，而蒙住眼睛嘅一組食咗105g。但在詢問中，蒙眼的組別認為佢地食咗197克，而見到食物嘅一組認為他們只食咗159克，蒙眼組足足高估食量達88%～！

Photo from Pinterest

研究發現，蒙眼組對用餐嘅快樂明顯有降低，正因為睇唔到，所以對食物嘅誘惑大大降低，亦都會減少由「看到」食物而引發嘅唾液分泌及胃液釋放，降低飢餓感。蒙眼進食，身體會誠實地感到飽足，而係明亮嘅情況下，會容易被碟上食物剩餘嘅量而影響到飽足感～

Photo from Pinterest

其實好多時我地只係被食物嘅外表吸引，而唔係真正想食該食物，而且碗碟容量會限制進食分量～其實我地唔應該係進食前估計自己會食幾多，而係係過程中感受自己是否真的飽了，如果夠飽就應該要停止進食～！

Text：TopBeauty Editorial

Source：Telegraph

Photo source：Pinterest