連自己也討厭自己，誰去喜歡你～擺脫「自厭情緒」的3個方法，找回積極自信的溫度！

你有試過突然好討厭自己嗎？特別係m到前後心情唔好，就特別容易產生「討厭」嘅情緒。心理學家 Robert Firestone 同 Lisa Firestone 從研究中發現，「討厭自己」往往係因為成長階段中別人對自己嘅負面睇法。可能你曾經被愛人惡意批評，導致你認為自己唔值得被愛，又或者曾經被朋友背叛，唔敢再主動同人傾計。

Photo from wongtsuiyu @ it

如果你覺得討厭自己只係微不足道就大錯特錯了～自厭情緒會深入地影響你日常生活中好多層面，比如一段愛情關係中，你可能會因為討厭自己而勉強延續一段你唔鍾意嘅關係，因為你覺得自己唔會再遇到下一個愛你嘅人；工作上你會「麻目地運作」，無論鍾唔鍾意你都會繼續做，因為你覺得自己無資格搵到一份更好嘅工作。

Photo from wongmanyik @ ig

你對自己嘅苛刻，甚至會主導一切，唔相信其他正面情緒。比如有人讚美你，你第一個反應唔係開心，而係抱有質疑。因為你覺得對方嘅讚美說話跟你對自己嘅睇法。

3個令你唔再討厭自己嘅方法

＃1 搵出你討厭自己嘅理由，理性地逐個擊破

如果係因為前度對你嘅忽略同謾罵造成你嘅不自信，用理性角度去看待呢件事，你就會知道唔係你嘅錯，而係對方嘅無禮與不成熟。

Photo from choisaaaa ＠ ig

＃2 阻止因自厭情緒而產生的行為

我哋會受到好多情緒影響而產生「自厭行為」，比如話你嘅童年受到好多標準同準則限制，令你長大後都以同樣嘅模式限制自己。你應該試著一步步放鬆呢啲規範，令自己唔再壓抑。

Photo from q_gill @ ig

＃3 搵出真正嘅自我價值同信仰

你希望自己嘅人生係點過？你想成為一個點樣嘅人？搵出自己真正嘅價值同渴望，邁向目標同時，就可以降低自厭情緒嘅產生。

Text：TopBeauty Editorial

Photo source：Instagram