相差16年歲數，曾不看好的戀情如今踏入9周年「佢好野蠻，但係我偏偏被佢食住」陳小春最終只為應采兒安定下來！

記得睇《爸爸去哪兒》時，被陳小春仔仔Jasper嘅可愛同懂事深深吸引著，可能事關爸爸平日俾人感覺火爆而媽媽應采兒大喇喇嘅性格一下子同Jasper乖巧嘅個性成了一個好大嘅反差，因此形成一個強烈對比，不知不覺間成為Jasper嘅小粉絲。有時就係因為主觀感覺存在而容易變得對事情存有偏見，仲記得陳小春同應采兒當初要結婚都不被外界看好，但一路走下來，已經踏入9周年，感情有增無減，而陳小春對應采兒嘅寵愛程度更過份得令人羨慕！

仲記得應采兒多年前上過一個電視節目講過，陳小春會愛上她，被佢收服，全因佢玩夠，而且喺有比較之下先知道自己同別的女生有咩分別，令佢知道邊個先係好。於是小春從此對佢一條心，仲將佢放手掌心寵。就喺佢地仲未結婚時，小春講過一句令女生都大為動心嘅說話：應采兒係我女朋友，佢好野蠻，而且好大聲對我講嘢，有時仲會好直接咁要求我，但係我就係偏偏被佢食住。有時愛情就好似中咗魔法咁，全心全意聽一個人話，解釋唔到。

Photo from weave @ 陳小春

Photo from ig @ yingcaier

小春喺遇上應采兒後都話過，係佢嘅出現令到自己改變咗好多。由火爆嘅性格變到好遷就應采兒，仲稱佢為女王，只要佢快樂就可以了；由以前拍拖無做嘅嘢，例如：報備自己行蹤或瞓前一個電話，漸漸成為佢嘅習慣，係應采兒令佢知道一段真正嘅情侶關係係應該要係咁。

Photo from ig @ yingcaier

Photo from ig @ yingcaier

有時二人相處，都必定有爭執。通常願意為咗二人關係而選擇認輸或忍聲吞氣都係用情更深嘅一個。小春話過：吵都沒用，因為我唔想同佢起衝突，反正最後輸嘅都係我，老婆只要開心就可以了～可見應采兒對於小春來講真係好重要，只要老婆快樂佢就快樂了。

Photo from ig @ yingcaier

Photo from weibo @應采兒

二人雖結婚了9年，但一共影咗4次婚紗相！每次結婚周年，應采兒都會發佈結婚當日嘅相片到網上。睇來佢地夫妻之間嘅情趣卻無因相處耐了而磨滅～

Photo from weibo @應采兒

Photo from weibo @應采兒

講到最經典嘅一次小春寵妻冧爆事件，最為人所知嘅係小春喺演唱會上唱「相依為命」時，眼泛淚光咁唱到歌詞：即使身邊世事再毫無道理，與你永遠亦連在一起，你不放下我，我不放下你，我想確定每日挽著同樣一雙臂～應采兒於是喺山頂位大派心心同飛吻！小春接住心心，流露幸福笑容。

Photo from weibo @應采兒

Photo from weibo @應采兒

對於外界不看好嘅戀情，加上相差16年嘅歲數，陳小春同應采兒都一一以時間證明一切。愛情有無信心走下去，只有當事人先知，但既然曾經對愛情吊兒郎當嘅小春都因應采兒而願意停下來，過住安穩家庭生活，就知道佢下了幾大決心好好愛應采兒。踏入結婚9周年，希望佢地同Jasper一家人繼續幸福快樂生活下去。

Photo from weibo @應采兒

Photo from ig @ yingcaier

Text：TopBeauty Editorial

Photo source：instagram , Weibo