姜濤自揭曾有心儀對象 一原因不敢談情 渴望30歲結婚恨生女 盼將來子女有完整童年
Photo from 影片截圖
曾有心儀對象 不夠膽談情
雖然姜濤曾傳出過不少緋聞，但至今仍保持住「A0」狀態。談到喜歡的女生類型，姜濤表示自己喜歡可愛型，跟偶像有村架純一樣。入行5年，可曾遇過心動的女生，姜濤直認不諱：「當然有，話冇就假嘅，一定有。」姜濤表示自己不夠膽量展開追求，皆因考慮到自己藝人的身份，若是開始一段戀情的話就會給對方好多壓力：「喺呢個環境之下，所以其實未必開心嘅，講真，我拍拖可以去邊？香港都出唔到街，所以而家唔考慮。」
Photo from fb@姜濤
渴望30歲成家立室恨生女
姜濤過去曾表示會在30歲結婚，但現年24歲的他表示沒有膽量拍拖，Do便問他如何在30歲結婚，姜濤就表示一切隨緣，若是會發生則讓它發生：「如果有嘅話，我都會唔理喇，可能我都會不顧一切。」他更直言將來恨生女，並表示一定會結婚：「我點都會結婚，我應該幾早結婚，因為我父母感情唔好，好嚮往有一個好嘅家庭，同埋以前我嘅童年多遺憾，所以好想用呢樣嘢去見證我小朋友，有個完整童年。」
Photo from fb@姜濤
Photo from fb@姜濤
聲稱沒有被父母催婚
Do姐問姜濤會否追回之前令他心動的女生時，姜濤就直接表示不會。另外，姜濤亦聲稱沒有被父母催婚：「佢哋都話：『你自己開心就得』，佢哋都感受到我有好多壓力，如果真係有個人陪住（我），佢哋都會開心啲。」
Photo from fb@姜濤
Do姐指姜濤定了很多事情都在30歲後才做，例如做偶像可能做到30歲、30歲結婚、30歲後做爸爸，他坦言父母大年紀才生下他，他與父母有代溝，才希望自己可以盡早組織家庭，不會與小朋友有隔膜。Do姐又問若是對方不會生女，是否仍會同對方一齊？姜濤十分明白事理稱：「呢樣嘢唔可以怪女方，因為我知道呢樣係男方責任。」
Photo from fb@姜濤
坦言童年不開心
當Do姐指姜濤很受家庭及其成長背景影響，他直認自己比同齡人成熟，可能是因為童年不開心才會想很多事情：「如果好開心，其實唔會思考咁多道理。（Do姐：𠵱家開心嘛？）相對完成咗演唱會嘅話，睇到反應相對比較好，係值得開心嘅事，雖然好多人話唔好理外界講乜，但始終喺呢個圈子嘛，盡量令外界聲音好啲，呢個都係職責嚟嘅。」
Text：TopBeauty Editorial
相關文章：
更多相關文章
姜濤首度開腔與髮型師戀情 會否承認拍拖視乎另一半意願 自認入行後無私生活
12 July 2023
Photo from ig@do_do_cheng
稱自己今年犯太歲
Do姐問到姜濤的心情如何，姜濤表示自己今年犯太歲犯得好應：「原來呢行風水真係幾靈，我以前無太留意，我今年犯太歲犯得好應，一嚟受傷，二嚟有各種是是非非，都應該係今年最多，有史以嚟最多。」姜濤表示怎講他都無所謂，但如果講到家人、身邊工作人員，就會影響到他人，覺得好抱歉：「入咗呢一行，我某方面都預咗會係咁樣，我覺得我份人工包嘅，無論點評論或攻擊，但有時有啲無辜嘅人被無嘅事情影響，我真係會有啲內疚。」
Photo from 節目截圖
首度開腔談與髮型師的緋聞
Do姐問姜濤所知的工作人員是否包括髮型師，姜濤苦笑：「由我啱啱入行嗰陣，佢係幫我手嘅工作人員，我同每一個身邊嘅工作人員都係咁相處，好多工作人員都知我係點樣嘅人，可能人哋生得靚啲、高啲，就俾人寫，我會覺得影響到人哋生活，人哋唔係剩係做我一個，可能仲有其他工作，我就會覺得好內疚。」
Photo from fb@姜濤
Photo from ig
姜濤又指與工作人員都在公眾場合相處：「我覺得既然大家無嘢，俾大家影到沒所謂，冇嘅嘢就唔驚，但依家知道身為為公眾人物，可能要收埋自己。」又指自己日後對工作人員相處時會多加注意：「都係嗰句，我份人工包㗎嘛，我知道做藝人某方面無私生活可言。」
Photo from fb@姜濤
被指與髮型師發展地下情
姜濤於7月1日突然被爆出疑似戀上MIRROR御用髮型師Lydia Yung，有指二人早在拍攝ViuTV劇集《季前賽》時就撻著，並發展地下情一年。今年3月到日本工作時，姜濤還在當地順便為女方慶生，更情不自禁錫了對方一下，甜蜜互動被粉絲拍到後，經理人為了保護姜濤「A0」的人設而出高價將照片買下；姜濤早前與家人去澳洲旅行時，Lydia亦有一起陪同。
Photo from ig@keungshow_karen
事件爆發後，姜濤在IG Story貼出鄧紫棋的歌曲〈受難曲〉歌詞：「為什麼這世界越來越邋遢，這討厭的感覺每一天把我壓得，我快要爆發了，他們滿嘴污衊，句句似箭，但你何時懲戒，是否我要裝作看不見」、「妖言惑眾原來不只 Lucifer，還有拿著鍵盤的一群恐怖份子，隔著屏幕以為別人不認識，猙獰面目全部讓我想吐」，否認了緋聞。
Photo from fb@姜濤
會否承認拍拖視乎另一半意願
Do姐問姜濤若將來拍拖會否承認？姜濤稱首先會視乎另一半意願，他沒什麼所謂，不覺得要遮掩。
Text：TopBeauty Editorial
