踏入初老階段心理同行為都有所改變～含膠原蛋白產品感興趣！派對動物不再，寧願煲劇不外出！做自己更好！

女生最怕變老，一到年近25歲就最為緊張，事關人人都話25歲就係步入初老階段，聽到都咪話唔怕！唔知係咪主流媒體報導得太緊要還是人一到初老階就好自然咁係心理同行為上都有所改變。以前會敢做嘅嘢，25歲之後不知不覺就唔會想做又或者免得就免。唔個下面幾個初老症狀，妳地又中咗幾多個呢？

1.對「補充骨膠原」／「保持童顏」美容產品就好有興趣

睇返以前嘅相見到自己個樣後生啲，感覺飽滿啲，就開始覺得唔通依啲就係大家口中所講嘅膠原蛋白流失？有時見到比自己年紀大嘅藝員明星，感覺比自己年輕～於是只要聽到有「補充骨膠原」／「保持童顏」美容產品推出，就會特別留意！

Photo from ig @ kaman_kong

Photo from ig @ crystalfyy

2.有時間寧願留家煲劇都唔願出街

每到星期五晚都會約朋友玩通頂，第二日都仲有氣力繼續安排活動！不要依家有時間都寧願留家煲劇都唔願出街，唔知係知道體力無以前回復得咁快還是人大了心態變了～

Photo from ig @ judy.kwong

Photo from ig @ ngkelly_

3.打扮熱誠不再，小背心熱褲不見了

以前讀書時期，可以花一大個上午打扮自己，化下妝、整下頭髮、襯下衫又半日。依家唔好話打扮，就連小背心熱褲都唔知點解唔再著，可能係隨住年齡增長而身材走樣定心態唔同咗呢？都係t-shirt、牛仔褲岩我多啲！

Photo from ig @ herachann

Photo from ig @ taniachanyc

4.只想做自己

年輕時，只要一感受到別人唔鍾意自己，就會好介意而且會好想知道點解，仲會好努力迎合人地。但依家只要做自己，唔會想考究人地對自己嘅想法，只要自己過得開心舒服就可以了。

Photo from ig @ jenniferyuuu

Photo from ig @ tsangloktung

5.無以前咁鍾意過生日

細個最鍾意同朋友過生日，因為係自己嘅大日子，成為一日主角，開心搞派對！不過人越大，反而唔想過生日，因為又係自己長大一歲嘅證據，有得選擇寧願同平日一樣過，甚至唔好有人知道自己又大一歲同講生日快樂～

Photo from ig @ ally_manyan

Photo from ig @ joeythyee

Text：TopBeauty Editorial

Photo Source：Instagram