下巴太尖、耳珠無肉、眉骨突出，8種弱桃花女面相特徵，典型美女都中招！

有啲女生天生嘅面相特徵於相學嚟講會令佢桃花較弱，但姐妹們！要記住桃花運唔好都唔代表無人要、嫁唔出，可能只係會比較晚婚，以下面相只係作參考之用，但你發現自己面相係屬於桃花運差嘅造，小編覺得不妨利用自己嘅女性魅力，透過化妝扮靚去改變濕滯運程吧～都係?句，只有懶女、沒有醜女人，更何況男人天生就係視覺動物，利用後天補拙吧～

＃1 額頭又圓又突

代表有獨立思想、事業心強勁，擇偶條件會高，因此令有意追求你嘅人有心理壓力，晚婚機會頗大。

Photo from weibo @ 張柏芝

＃2 耳珠無肉

代表性格好勝，而且反叛性強，於感情關係上抗拒做付出一方，只會期望有人為佢付出、收成，令追求者卻步。

Photo from natalietong53 @ ig

＃3 眼睛附近

->眼尾下垂

->太陽穴位置(奸門)屬於夫妻宮位置，如果眼睛下垂，太陽穴位置再低陷，反映女生做事固執，過份自我，於感情關係中經常有利害計算、充滿猜疑，即使遇上真命天子都因此而早失好姻緣。

Photo from kaman_kong ＠ ig

->眼泛桃花

如果你係眼睛圓大、眼珠濕潤而且黑白分明，相學上代表欠缺理性分析，容易因為異性而心亂如麻，如果早婚嘅話，跟伴侶會發生唔少問題。

Photo from chenchiyiu ＠ ig

->魚尾紋多

女生30歲前就見魚尾紋，相學上代表女生感情關係波折較多，異性緣較薄。

＃5 鼻子

->山根低

山根意思係兩眼距離之間嘅位置，山根低代表女仔命中會遇上一次甚至多次感情大挫折，早婚絕對唔係好事，因為要承受失敗風險甚高。

Photo from kandybubu ＠ ig

->鼻大樑高

女生鼻大樑高代表事業心重，不解溫柔、不懂撒嬌，男女交往大忌。

Photo from chungkayanlinda @ ig

->鼻樑有節

如果鼻樑有節，代表性格硬頸，唔願服輸，會為小事而執拗，一般男生難以接受，因此感情路上幾經波折，晚婚為宜。

＃6 眉毛

->眉毛淡薄

眉毛又短又稀薄嘅女生，對人對事冷漠無情，對男生當然唔會投放太多感情，因此晚婚機會極大。

->眉骨明顯

一般亞洲女性眉骨都唔算太明顯，反之係代表性格男仔頭，粗枝大葉，而且事業心強，對愛情事抱住隨遇而安嘅心態。

Photo from q_gill @ ig

->眉毛散亂

眉亂即心亂，反映心理狀態長期不穩，處事較多顧慮，即使有好男仔喺身邊都因此錯過好姻緣。

->懸針破印

如果女生30歲前，兩眉之間出現直紋，所謂「懸針破印」，就代表婚姻運欠佳，晚婚較好。

＃7 面型

->顴骨高大

顴骨高大代表男性化，不解溫柔兼事業心重，跟另一半容易發生口角，如果再加埋圓額突出，就會成為所謂「三顴臉」，性格火爆好爭鬥，口舌不絕，問題更大。

Photo from sammkoling @ ig

-> 下巴過尖

天生愛埋怨，對另一半諸多挑剔，欠缺同理心，唔識理他人感受。

Photo from missjni @ ig

-> 臉呈方型

求愛心切，開始每段感情前都未有細心考慮清楚；同時自覺比對方聰明，常常堅持己見，關係難以長久。

Photo from gwgurlie86 ＠ ig

＃8 嘴型

-> 唇薄

講說話有「尖酸刻薄」，唔留情面，經常以言語攻擊他人，女生要注意一下自己言行，否則不宜談婚論嫁。

Photo from yuenkaka ＠ ig

-> 張嘴會露齒

代表容易跟人發生口角，或者結婚前會有來自長輩嘅阻力，令婚事一拖再拖。

Photo from cherrysavor ＠ ig

造命由天，改運由人，除咗參考相學，女生亦都要了解自己性格上嘅不足，令自己更成熟、智慧更上一層樓之時，必定有圓滿結局。

Text：TopBeauty Editorial

Photo source：Weibo, Instagram