夏天真係戒唔到凍飲！4個飲凍飲貼士，令你飲得冇咁傷～

「女人飲凍嘢好傷身」呢句說話相信唔少女仔都聽得多，但夏天熱辣辣成三十幾度，身水身汗入到間餐廳仲要叫熱飲，成件事真係好折磨！加上夏天見到周街都係雪糕刨冰，炎炎夏日真係好想大啖大啖咁放入口！肥嘢炸嘢可以戒，但偏偏凍嘢真係戒唔甩～但食還食、飲還飲，其實都有方法可以食得比較健康，唔想對住凍檸茶雪糕慾哭不淚，可以試試以下貼士！

Photo from ig @ roxannetong

1.要揀啱時間飲

晚上陽氣比較弱，所以晚間時間盡量都唔好碰凍飲，如果真係要飲就係中午和下午陽氣較盛嘅時候飲，因為呢個係陽氣最盛嘅時間，對抗外來寒濕嘅能力都比較高～

Photo from ig @ Judy.kwong

2.飲前先食熱的食物

飲冰凍飲品係好傷脾胃的，如果真係要飲可以先食熱食「打底」，另外凍飲最好叫「走冰」，減低對脾胃直接嘅傷害～

Photo from ig @ sammkoling

3.在口中含久一點才吞

如果真係前面幾關都檔唔住，唔小心叫咗杯冰凍飲品係眼前，最簡單方法就係係口中含耐一點先吞～或多或少都會有用的！

Photo from ig @ Judy.kwong

4.選擇健康的消暑飲品

要消暑解渴又唔一定要飲可樂凍檸茶嘅，出面好多凍飲因為冰凍過後飲落去甜味好似會減少，含糖量都特別高，傷身之餘仲好易變肥！想健康一啲可以選擇薏仁水、西瓜汁、苦瓜汁、雪梨汁等具清熱解暑嘅飲品，當然份量都要適可而止，一日最多一杯好啦！

Photo from ig @ sammkoling

凍飲飲落好似好解渴，但其實飲凍飲反而令身體唔可以排出熱氣，飲得多仲會導致脾虛，令體內濕氣滯留，會令到個人更水腫！如果你體質偏寒，飲凍飲仲隨時搞到肚痾兼頭暈～其實好多時飲凍飲嘅慾望只係一殺那間，可以飲杯水坐一陣，等體溫回落就唔會咁想飲～慢慢讓成好習慣，健康好氣色都會即刻嚟搵你～！

Text：TopBeauty Editorial

Photo source：Instagram