高跟鞋著久了可引致臀部下垂！脫鞋後來個收臀操，助妳回復緊致臀部～

By Maggie on 18 Apr 2019

Digital Editor

love yourself and the rest will follow.

高跟鞋令人又愛又恨，不但可以令矮個子立刻有變高效果，而且可以於視覺上達到修長身形，係每個女生鞋櫃嘅必備單品！不過著高跟鞋行足成日都咪話唔辛苦，行路姿勢唔正確或穿著唔岩碼數嘅高跟鞋，不但整傷自己腰骨同腳腕，原來仲會引致臀部下垂！依家就同大家介紹針對腳部、腰部同臀部嘅收臀操，等大家可以繼續著高跟鞋同時，又可以有緊致臀部！

如果係出於個人喜好而選擇著高跟鞋，腳痛都可以換對平底鞋著來減輕腳部痛楚。但如果係工作需要，因此要著住高跟鞋行成日，真係會好痛苦！其實岩女生著嘅高跟鞋高度係2-5cm，而身體最極限可承受範圍係7cm左右；而且高跟鞋每增加一吋高度，腰椎要承受的壓力就會越來越大，至少增加咗體重7-8倍！所以如果真係要著高跟鞋工作嘅朋友不妨買對5cm以下，確保無傷害到身體。