自己講自己笑的人，心理超健康！自言自語是智慧表現，邏輯更清晰、解難能力高！
你有無試過因為自言自語而被朋友們用奇異嘅眼光看待嗎？又或者，即使人前你較少自言自語，但真正獨處時，就會自言自語度過獨處嘅時間—朝早起身跟自己講「噢，起身先，好攰啊～」、「食嘢先！」開始工作時又會鼓勵自己「好喇，開始做嘢，唔準偷睇電話！」雖然呢啲說話並無傾訴對象，聽起上嚟更有一種傻氣，事實上，自言自語有助減少獨處時精神渙散，更可以緩和寂寞同孤獨感 。
＃1 自言自語－自我打氣
人於緊張時刻，就會通過自我打氣去鼓勵自己。比如係自我命令「你得架！一定可以架！」說話講出口嘅目的唔係為咗表現自己，而係當人進入極度專注時嘅條件反射，代表你已經忽略周圍人嘅目光，全心全意做好你手頭上嘅事。
Photo from roxannetong @ ig
＃2 自言自語－情緒宣洩
男人睇波10個有11個都會緊張到叫出聲，女人睇劇時都會不停指手畫腳，碎碎念甚至破口大罵。因為人喺激動嘅時候語言控制能力會減弱，更多感受會自動透過言語表達出嚟，咁做有助人們增加對自己情緒控制嘅能力從而有效緩解壓力～
Photo from tracytschu @ ig
＃3 自言自語－自我思辨
見到兩樣都喜歡嘅物件，你可能會不其然自言自語「買a好定買b好？a平啲、但b靚啲...」、「算啦屋企仲有好多，都係唔買。」自言自語能夠協助你作日常決策，甚至幫你組織思路。「買嘢都係想開心啊，唔番嚟唔鐘意仲買嚟做咩，既然b靚啲，就買b啊！」可能你會覺得係心入面諗咪得，點解要講出嚟。實際上，當面臨嘅問題越困難，並且涉及到邏輯關係時， 自言自語可以提高我哋專注力，令思路更清晰有效提高問題解決嘅效果 ！
Photo from kelllycheung @ ig
講到底，即使自言自語喺部分人眼中係傻傻的，但當你進入自言自語嘅世界中，就好似重返童年一樣，自由地跟自己相處。更重要係，一邊將內心諗法講出嚟，一邊可以有邏輯地解讀腦海出現嘅問題。成年人，學會欣賞自言自語，體會有智慧地隨心所欲說話嘅美好吧！
Text：TopBeauty Editorial
Photo source：Instagram
