61歲恬妞風韻猶存～心存感恩過每一天，保持童心成她保養秘訣！
只要望到61歲嘅恬妞，真的不能相信眼前充滿活力嘅美人竟然係61歲了！啲人成日話有愛情滋潤嘅女人係特別靚，但曾經有過兩次愛情挫折嘅恬妞，如今依然過著單身貴族嘅生活！這證明了沒有愛情嘅女人依然美麗，同樣可以活出美麗人生！恬妞之所以可以keep得咁好，係因為佢過著身心都滿足嘅人生，依家就同大家分享下佢嘅美麗秘訣啦！
恬妞崇尚自然，臉上一點因醫學美容而弄得表情僵硬嘅痕跡都沒有！恬妞最大嘅保養之道就係食得健康。佢無一套指定營養餐單，或每日一定要食嘅營養品。靠的都係多食生果蔬菜，少食多油嘅煎炸食物，將健康融入生活。恬妞於微博都分享過，人在外地想食得健康啲有時都係一件困難事，佢幾經辛苦終於都搵到生果、白菜，十分感恩！可見佢對食得健康個份堅持係無因人在異地而就此放棄！
Photo from weibo @ 恬妞
Photo from weibo @ 恬妞
多做運動都係恬妞保養習慣。女人可能會用各種方法去保持年輕嘅外貌，但身體機能還是無得呃人。唯有不斷做運動先可以追上年輕嘅外表。所以恬妞都非常熱愛做運動，一有時間就會同女女跑步同行山，唔怪得之keep得咁好！
Photo from weibo @ 恬妞
Photo from weibo @ 恬妞
自5歲開始，恬妞就開始過著演藝事業，可以話無乜童年。但如今人大了，卻反而富有童真！恬妞自己都喺微博講到：沒有什麼童年回憶的我，今天才是我童年的開始！恬妞仲可愛到同大家分享幫小布丁洗澡，猶如小妹妹一樣！童心可能都係佢其中一個凍齡嘅秘訣！
Photo from weibo @ 恬妞
Photo from weibo @ 恬妞
恬妞精神飽滿，而且神采飛揚嘅樣子全因佢感恩過著每一日。恬妞微博全都是感恩工作順利、有家人同朋友嘅愛嘅說話。恬妞熱愛生命，感恩過每一天！恬妞曾經話過面對兩次婚姻失敗，佢對於愛情只會保持平常心，不強求，但假如有時間，佢寧願同家人好好一齊過。
Photo from weibo @ 恬妞
Photo from weibo @ 恬妞
恬妞同女女關係非常好。恬妞曾經喺微博講過：我擁有了你，在我心中你就是無價之寶，謝謝孩子！女女都好乖巧，閒時都會親手做禮物俾媽媽！有一次女女就喺恬妞生日時，用左半年時間親手整左個手袋俾媽媽，佢地依份母女情真係深厚！
Photo from weibo @ 恬妞
Photo from weibo @ 恬妞
女女咁愛錫恬妞，全都是從媽媽身上學習～恬妞係個好傳統嘅女性，認為有自己嘅出現全因爸爸媽媽嘅養育之因。每逢爸爸媽媽生日，恬妞都會向爸媽下跪。恬妞都多次上載向父母下跪嘅相片，並心存感恩咁話：感恩父母親60年養育之恩，我的前半生您陪著我風風雨雨，我的後半生陪著您風平浪靜！
Photo from weibo @ 恬妞
Photo from weibo @ 恬妞
單身嘅恬妞除左大部分時間都奉獻俾家人外，工作都係佢生活一部分。61歲嘅恬妞一於學到老，活到老！絕對無因為年紀問題而馬虎對待自己事業。恬妞試過一年大部分時間都喺橫店工作，當時氣溫更係0度！相當敬業！
Photo from weibo @ 恬妞
Photo from weibo @ 恬妞
恬妞嘅保養之道看似簡單，但真的無乜人可以為咗健康而持之以恆。要每日存感恩嘅心去生活更是無人可做到！有時要保持美貌都唔一定要有愛情滋潤，家人同熱愛生命都可以成為妳變美嘅證據！所以單身嘅女生唔洗過於努力尋找愛情了，不如好好愛錫屋企人同努力生活，話唔定會有更意想不到嘅效果！
Photo from weibo @ 恬妞
Photo from weibo @ 恬妞
Text：TopBeauty Editorial
Photo source：Weibo
