尋回女人魅力泉源—自信和勇敢！4部吉卜力暖心動畫「每個人都有他的特質，最後一定能苦盡甘來。」

吉卜力動畫總係能夠牽動人心，細個嘅時候覺得好奇幻，動畫中嘅人物好得意，長大後就明白解吉卜力偷偷放咗好多人生道理喺入面。動畫導演宮崎駿曾經講過：「我相信『早已被遺忘的東西』、『未曾留意的東西』、『以為早就失去的東西』一定都還存在。只要相信，就會有希望。」做人何妨試下用正面嘅思考態度去過人生？以下4部吉卜力暖心動畫，一齊穿梭時空，尋回當初嘅勇敢同好奇心吧～

＃1 千與千尋 —「發生過的事不可能忘記，只是想不起來而已。」

仲記得千尋喺湯婆婆管理嘅湯屋工作，入面嘅人全部都係被奪走真正嘅名字，名字被奪走後，就唔可以番到去原來所處嘅世界了。

Photo from from Pinterest

堅強嘅千尋時刻提醒自己：我係邊個、我由邊度嚟、我要搵番爸爸媽媽。如果人忘記自己嘅初衷、起源，就會喺別人嘅指揮下工作一輩子。諗深一層，不就是為會嘅縮影嗎？生活被現實齒輪輾壓，慢慢唔記得自己係邊個...成長後，記得為自己而活！

Photo from from Pinterest

＃2 哈爾移動城堡—「我希望能夠成為你的力量。」

有人話，戀愛就係一種投射心態，你喜歡嘅人唔多唔少都有你希望擁有嘅特質。哈爾同蘇菲係唔完美嘅兩個人，蘇菲樸實、單純，對自己無自信。哈爾就相反，一舉一動都受到好多少女歡迎，非常有自信，但華麗外表下，外貌掩飾咗內心懦弱。

Photo from from Pinterest

兩個人都係對方嘅相反體，真正嘅愛情，係會成為對方動力來源。因此蘇菲最後都得以成長，變得更堅強，搵番年輕少女嘅樣貌。而哈爾就變得勇敢，願意為理想同愛人而奮鬥，不就是美麗嘅戀愛嗎？

Photo from from Pinterest

＃3 魔女宅急便—「魔女的遺傳，畫畫的遺傳，做麵包的遺傳，每一個人都有他與生俱來的特質，最後一定能苦盡甘來。」

你係咪曾經都對某項事物充滿信心？可能係音樂、體育等才能。當人愈長大，愈知道自己嘅渺小，甚至覺得自己嘅天賦都變得可有可無了。

Photo from from Pinterest

魔女琪琪係我哋每個人嘅縮影，琪琪外出尋找「屬於自己的城市」，但就屢屢碰壁、被輕視，甚至連有魔法能力都開始轉弱。但琪琪一直堅持「等多一陣好嗎？」，最後苦盡甘來。女生們，無論現實社會有多嚴苛，對自己初衷講句：「再等多一陣啦～」一定會見到雨後彩虹嘅景象。

Photo from from Pinterest

＃4 貓之報恩—「你應該要學著做你自己，面對真實的自我。只要做到這一點，就什麼都不必害怕。」

「你想怎麼樣生活，都沒有對與錯，只要你勇敢面對自己。 」平凡又糊塗嘅女高中生小春，搵唔到自己想要做嘅事，一次機緣巧合下救咗貓王子後，被捉到去貓嘅國度，甚至差啲失去自我，成為一隻貓！

Photo from from Pinterest

成長路途上，你會發現原本追求嘅簡單幸福，慢慢都變得複雜起來 ，一定要有好工作、好頭銜或者薪水，先算得上係好嘅人生嗎？搵番單純嘅初衷、自信同堅定，變得無所畏懼吧！

Photo from from Pinterest

Text：TopBeauty Editorial

Photo source：Pinterest