從人生轉捩點活出女人之美～女人也要「三十而立」，5種妳不能忽略的人生哲學！

By Michelle on 30 Apr 2019

Digital Editor

Life is short, don't be lazy . Be your own idol to enjoy every moment !

年輕嘅時候，世界圍住自己轉，好多決定同選擇都係因衝動而行動，唔明白何謂後顧之憂。現代女性變得事業型，「30而立」嘅道理唔再單一適用於男人身上，女生去到30+就會明白，自己雖然不再年輕，亦無放縱嘅本錢，但亦因為隨住年紀增長，正式告別懵懂無知嘅少女行列，令我哋愈活愈有女人味。以下6種成熟後嘅改變，30+女生一定會有共鳴～當中提及嘅原則同哲學，大家都千萬唔好忽略，從人生轉捩點活出女人嘅美麗吧～

Photo from aliaime @ ig

以前咩都係有你講，無人講。屋企人、男朋友就對你百般遷就，但人大了要組織家庭，夫妻之間就需要好好磨合，父母返老還童變得有脾氣，你更明白何謂珍惜眼前人，學會更孝順。年輕時口出狂言嘅日子已經過去，即使生活上遇上討厭嘅人，你都要記得凡事留一線，日後好相見，世上並無一輩子嘅敵人，有時能夠調節自己，學識於對方角度去諗，亦係成長嘅一課。