櫻花妹瘋傳！日本「標準女生體重表」公開，即check你是否已經超標～！

現代社會「瘦就是美」嘅風氣雖然喺近年已經有減弱趨勢，但好多女仔依然覺得自己肥胖，諗盡辦法令自已體重減輕，希望減得1磅得1磅。而呢種風氣喺日本比香港更為嚴重，甚至出現「女生過50KG就是肥」嘅歪理～最近櫻花妹瘋傳嘅「標準女生體重表」列明了女仔嘅理想體重，一齊嚟睇吓你達唔達到佢地所謂嘅「標準」啦～！

以下呢一張日本「標準女生體重表」列出唔同高度女仔嘅理想體重，亦被稱為「美容體重表」，櫻花妹會用來呢個體重嚟衡量自已身材嘅身材，若果達標即代表身形非常理想同好睇！

而計出自己嘅「美容體重」嘅方法就係將BMI中最健康嘅數值18.5(日本人係19)套入以下公式：

1.61 x 1.61 x 18.5（BMI）＝ 47.9

所以若果你身高161CM嘅話，你嘅美容體重就必需達到47.9KG，即係大約106磅左右！

香港女仔嘅身高大多介乎於160CM附近，即係體重只可以有47.4KG，咁嘅體重應該係瘦到見晒骨、毫無美態！

但大家千祈唔好用體重去衡量自己靚唔靚，因為得個瘦字一定唔會美觀，而且每個人都獨一無二，根本唔可以用同一個標準去量度所有人～平日練好肌肉線條，注意均衡飲食，精神健康嘅你先至係最靚，知道未！

Text：TopBeauty Editorial

Photo source：Pinterest