冰鎮護膚品專用小雪櫃!延長護膚品壽命、保存養份效果加倍,歐美大熱「迷你美容冰箱」~!

冰鎮護膚品專用小雪櫃!延長護膚品壽命、保存養份效果加倍,歐美大熱「迷你美容冰箱」~!

Beauty
ByClaire on 07 May 2019

大家都知道將護膚品放雪櫃會令佢地更耐用,當中養份會被保存得更完全,令護膚效果加倍~不過,放屋企雪櫃有時會被蔬果、隔夜菜搞到污糟邋遢,唔好彩仲會發生氣味轉移,成支護膚品都充滿雪藏味,真係好心痛!宜家我地終於有機會擺脫過去啦,因為最近出咗個「迷你美容冰箱」,專畀你放護膚品用!

呢個「迷你美容冰箱」喺歐美同韓國都大熱,除咗外形可愛、打卡滿分外,佢仲好實用!細細體積但夠你放晒所有護膚品入去之餘,側邊仲有位放小工具同面膜,真係好實用㗎~

仲可以自己裝飾個雪櫃門添~

冰鎮後美容效果加分

雪住啲護膚品可增長佢地嘅壽命外,有時天氣熱、皮膚過敏紅腫時,用冰鎮過嘅保濕噴霧、面膜或浸過化妝水嘅棉花,都可以令佢地嘅收毛孔同保濕功效大大增加,而且喺炎炎夏日,仲可以帶嚟冰涼嘅舒服感覺,真係諗起都覺得好爽!

廣告
廣告

可以放心入手天然護膚品

天然護膚品對皮膚好就一定,但佢地大多不含防腐劑,所以特別容易變質變壞,特別夏天無開冷氣又熱又潮濕,通常買返嚟就會好快開始變味!有咗呢個雪櫃就可以24小時雪住佢地,慢慢用都唔使驚會變壞浪費錢~

訓醒返工唔再怕臉腫腫!

呢個迷你冰箱仲可以畀你雪住消腫美容小物如湯匙、《如懿傳》中嘅玉石滾輪等等,一訓醒用佢地嚟敷敷眼同碌面,即刻可以消水腫,上妝仲可以更貼服,返工出街前用真心超方便!

Text:TopBeauty Editorial

Photo source:[email protected]


Share to Facebook