就是喜歡聞男朋友身上的味道，但我不是變態～！研究：聞伴侶味道可以放鬆解壓～

相傳唔少女仔都會有個怪癖，就係特別鍾意聞男朋友身上嘅味道～嗰種介乎於汗味同洗衣粉味之間，係一種好難形容嘅味道，但每次聞到都會有種熟悉、舒服嘅感覺，真係會聞上癮！嗱唔好話我變態，原來有研究指出聞伴侶衣服、身體嘅味道可以令人心情平靜、放鬆，更有效減低壓力，難怪我咁鍾意聞啦！

Photo from Pinterest

加拿大英屬哥倫比亞大學（University of British Columbia）曾發表一項有趣嘅研究，揾咗96對異性伴侶做實驗，向每位男性派發一件乾淨嘅T-shirt，要佢地24小時穿上，期間唔可以用止汗劑同香水，飲酒、食重口味食物都要禁止，經過一日後，脫下嘅衣服係5小時內送回實驗室作「氣味冰凍處理」，再俾女伴聞3件唔同嘅衣服，分別係「沒有氣味嘅衣服」、「有伴侶氣味嘅衣服」、「陌生男人氣味嘅衣服」，而且係聞衣服期間都會分3個階段作壓力測試～

Photo from Pinterest

結果發現，當女性聞到有另一半氣味嘅衣服時，體內皮質醇會較低，就算身處係壓力環境，所承受嘅壓力都會相對較少；相反，當佢地聞到陌生人嘅味道時，大腦會下意識激起戰鬥本能同埋警戒心！

Photo from Pinterest

助理教授Frances Chen指出，隨住全球化發展，唔少情侶都要分隔兩地工作，呢項研究有助伴侶分隔兩地時應對緊張情況，生活上遇到壓力時，可以拿一件愛人嘅衣服聞～雖然聽落有啲變態，但的確可以減低壓力～

Photo from Pinterest

令人放鬆嘅伴侶體味究竟係咩味道？原來飲食習慣都會影響體味！澳洲有研究指出多吃蔬菜嘅男士體味會較香，會有淡淡嘅花香味；相反，多吃肉類、雞蛋嘅男士會有好難聞嘅汗味～研究人員表示從汗味可以得知男性身體健康狀況，或者會成為擇偶條件之一！

Photo from Pinterest

各位姊妹又認唔認同以上研究呢？雖然男朋友嘅味道未必話好香，但可能係日聞夜聞嘅關係產生熟悉感，就好似返咗屋企一樣令人有安心嘅感覺～突然覺得，如果可以發明一種男朋友味道嘅香水就好啦～！（心心眼）

Text：TopBeauty Editorial

Source：sciencedaily

Photo source：Pinterest