好情人不代表是好老公～即用「好男友Checklist」看看他是否你的終身伴侶！9項優點全中就千萬不要放手～

By Michelle on 12 Oct 2018

Digital Editor

條件好嘅對象，都唔代表佢係好嘅終身伴侶～明智女生必須學識分辨佢到底只係適合交往，還是對方係一面好嘅鏡子，可以令你睇見自己有咩不足，感情路上又要互相扶持嘅伴侶，呢一種男人雖然唔係話萬中無一，但遇見了就要好好把握！雖然話做人唔好成日「計住計住」、斤斤計較，但以下呢個終身伴侶checklist，女生們不妨做個參考指標，如果伴侶全中以下9項特質，絕對係一個筍盤！千萬唔好放手喇～

Photo from from Pinterest

1. 支持你嘅夢想、尊重你嘅選擇

可能你想做嘅事，同高薪厚職，有明朗前境完全無關係，但作為你男朋友，佢一直係你身邊默默支持你，唔會取笑你嘅夢想係「不切實際」，更會鼓勵你勇敢追夢，都希望你嘅人生可以一直開心同享受。

Photo from from Pinterest

2. 能讓你成為更好的人

一個好伴侶就等如一面鏡子，可以令你睇到自己有咩不足，需要改進。如果你嘅伴侶係熱愛音樂、運動、看書；或者係一個有想法、行動力高的人；敢於嘗試和冒險等等，你都會慢慢被他感染，不知不覺地進步，成為一個越來越優秀嘅人。

Photo from from Pinterest

3. 愛屋及烏

一個好嘅男人，唔可以單單對你好，但就背負全世界～一個好嘅終身伴侶，會願意花時間同耐性了解你嘅朋友、屋企人，「二人世界」係一個浪漫構思，但成熟了嘅你應該明白現實生活無咁多「二人世界」嘅條件。所以，終身伴侶至起碼係會識得尊重你家人、朋友，女生們要記住，朋友對你伴侶嘅評價都係有參考價值架～

Photo from from Pinterest

4 願意為你讓步

戀愛又好、婚姻也好，從來都唔係1+1=2，而係0.5+0.5=1，但偏偏有幾合得來嘅一對，都總有意見分歧嘅時候，天下間無情況可以心有靈犀到對所有事嘅想法都一樣。當遇到意見不合時，終身伴侶會願意跟你溝通；重視你嘅意見；甚至願意為你讓步、妥協......因為真正愛你嘅人會在意你嘅感受。

Photo from from Pinterest

5 . 性格跳脫會陪你靜下來；性格安靜也會陪你玩到瘋

每個都性格有所不同，即使佢嘅性格係點，係相處過程中，都會陪你玩、陪你靜，無一刻你會覺得唔自然或者尷尬。一個可以走好遠好遠路嘅終身伴侶，要擁有歡樂先可以支撐日常平淡嘅日子，你可以係對方面前毫無保留地展露孩子氣的一面；都可以靜靜的伴著對方過一天，自然而不造作。

Photo from from Pinterest

6. 愛你嘅優點，同時接受你嘅缺點

人無完美—終身伴侶必定會明白而且接受呢個事實。一個好嘅終身伴侶從來都唔會留戀你某一面嘅美好，因為佢明白，每個人都有唔美好嘅一面。當大家相處有磨擦時，佢唔會輕易放棄、對你失望，因為這些缺點，都唔會減淡佢對你嘅愛。

Photo from from Pinterest

7. 佢唔係你出氣袋，但就令你安心抒發情緒

人無千日好，花無百日紅，人生就係有起伏，唔會一直開心，都唔會一直唔開心。情緒來襲時，好令你安心嘅終身伴侶會樂意聆聽你嘅擔憂，願意了解你內心真正情緒，你唔會覺得受限制或者嚇走佢，因為佢會靜靜待在你身邊。

Photo from from Pinterest

8. 給你自由和空間

其實拍咗拖，結咗婚、有另一半，會調節自己嘅「自由度」係必須嘅究，比如單身時你可以每個假日都流連酒吧，但有另一半的話就要識得尊重對方，自重一下～即使幾親蜜嘅伴侶，兩個人都要有私人空間。因此，一個好嘅終身伴侶會清楚你朋友圈子有咩人（作為女伴嘅你都應該將自己嘅朋友圈「透明化」，令伴侶放心），但就唔會嘗試干擾你嘅交友圈子，都唔會要求你將所有時間投放喺佢身上，令你可以於事業、家庭、朋友、愛情之間取得平衡。