吳謹言：「我要讓羞辱過我的人都付出代價！」《皓鑭傳》落實開播日期！片花大放送～
《延禧攻略》嘅熱潮暫告一段落，記得早一排好多人都帶住一對黑眼圈番工，皆因《延禧》劇情緊湊，睇到我哋欲罷不能，想認出邊個係《延禧》粉絲？唔洗問，望下對黑眼圈已經能夠相認！已經有一段時間無得煲《延禧》令你覺得有啲空虛嘅話，唔好難過！因為你嘅人生又即將充滿意義了～《皓鑭傳》日前已經落實開播日期，好快又可以再見到魏瓔珞（吳謹言）跟乾隆皇（聶遠）再度合作！呢對情侶檔再次領銜主演，天啊～真係好期待！
Photo from from Weibo
《皓鑭傳》喺微博官網公佈，今個月15號起，一連45集將會喺愛奇藝獨家播出！今次吳謹言會飾演趙姬李皓鑭（秦始皇嘅媽媽），除咗吳謹言有份演出外，《延禧攻略》入面嘅「乾隆」聶遠以及「高貴妃」譚卓、「袁春望」王茂蕾、「明玉」姜梓新，都有份參與演出，幾乎係《延禧》原班人馬，有追《延禧》嘅粉絲，今次真係可以止癢了～
Photo from from Weibo
Photo from from Weibo
Photo from from Youtube
新劇入面，吳謹言嘅造型比喺《延禧攻略》入面更易被觀眾受落—長髮披肩，再加上白色裙，成個人即刻充滿仙氣呀～
Photo from from Weibo
Photo from from Weibo
《皓鑭傳》背景拉到去戰國時代，吳謹言喺《皓鑭傳》中飾演原本係官家女兒嘅「李皓鑭」，後來慘遭陷害被繼母賣掉，喺聶遠飾演嘅商人「呂不韋」調教下一路爬升，最後飛上枝頭變鳳凰跟贏襄王生咗贏政（秦始皇），李皓鑭其實就係歷史上嘅「趙姬」。
Photo from from Youtube
Photo from from Weibo
今次皓鑭、呂不韋同埋孫異人三人為達成各自目的而結盟，經過黑暗權力鬥爭，合力攀上戰國最高權力之巔峰，鋪佐嬴政成為千古大帝。而愛情方面嘅劇情，始於針鋒相對，皓鑭同呂不韋（聶遠飾演）嘅關係細膩微妙，劇中三角戀更能牽動觀眾心，比起70集《延禧攻略》，45集嘅《皓鑭傳》節奏會更明快，主角們化解種種陰謀算計， 可觀度100分！
Photo from from Weibo
《皓鑭傳》除咗有《延禧攻略》原班人馬坐陣之外，仲加入新血， 茅子俊喺《皓鑭傳》當中飾演秦莊襄王，為劇集帶來驚喜。佢飾演不得志嘅贏異人，溫文爾雅中藏著城府，一身白衣造型相信能迷倒觀眾呀！
Photo from from Weibo
Photo from from Weibo
而劇中形象會帶來最大驚喜嘅，相信會係《延禧攻略》中飾演潑婦罵街高貴妃嘅譚卓。《延禧》入面，高貴妃唔單止性格言談乞人憎，睇落仲好老，但喺《皓鑭傳》佢搖身一變成為華陽夫人，係秦孝文王最寵幸嘅王后，歷史上華陽夫人有著沉魚落雁嘅容貌，而譚卓本來就係個美人，《皓鑭傳》中佢將會以全新形象示人！
Photo from from Weibo
11月15號夜晚8點，由網路平台愛奇藝獨家播出，約定大家一齊用燃燒生命嘅節奏去追劇吧！
Text：Girlslike Editorial
Photo source：Weibo，Youtube
