6個想處刑男友的瞬間！妳都能忍受一切未昏過去，就直接註冊跟他過下半世吧～

男人同女人天生就係一剛一柔、一東一西，小不同當然可以稱之為愛的火花，但如果係大不同，爆炸力絕對有如火星撞地球一樣，可以終日嘈到唔係你死就係我活～如果以下6個時刻你都能夠一一忍過去，嬲到喊之後又可以安然無恙地相親相愛，建議你好好考慮直接到婚姻登記處註冊跟他過下半世吧～

＃1 話題終結者

當你興致勃勃跟佢分享番工所見所聞，又或者係當你非常氣憤時，同佢一輪咀大吐苦水，但男友聽完你滔滔不斷嘅話題後，竟然回覆你一句「哦，咁又點？」、「喔...係啊...?」瞬間變做啞巴嘅你，原先擁有嘅心情一下子都消失得無影無蹤。

Photo from palsinn @ ig

＃2 懶瞓豬

鍾意日瞓夜瞓其實就罪不至死，但去旅行時，你滿心歡喜希望可以一早起身化個靚妝，再去食個醒神早餐打個靚兼一心以為佢會幫你影呃like相...錯喇，佢寧願瞓到出門口前一刻！而且仲會反轉頭嫌你出門口手腳太慢，唔及佢快（反白眼x10）

Photo from punkhippie ＠ ig

＃3 節日欠缺驚喜

喺你生日時，如果佢仲識得準備禮物你都應該要還神了～根據非正式統計，交往3年以上嘅情侶，交換禮物環節會變得愈來愈罕有，唔代表佢唔願意花錢喺你身上，講到底都係懶去製造浪漫驚喜～由你自己挑選禮物、到訂餐廳到係你自己一心包辦，男友仍然可面不改容跟你講「寶貝，生日快樂！」（要昏過去了～）

Photo from ckw720 ＠ ig

＃4 後知後覺

男人嘅第六感比女人弱，好多時都係後知後覺，有啲心意女生即使做到出哂面，佢哋仍然可以一臉懵懂不知情嘅模樣。佢哋會覺得女生耍小野蠻係「無嘢搵嘢嚟搞」、「小事一樁」，反正咩都係鎖碎事，只有NBA季後賽冠軍先係大事，當你擺出悶悶不樂嘅樣時，仲會厚面皮反問你「你宜家係咪唔開心啊？」（反白眼x100）

Photo from lok666 @ ig

＃5 著咩衫都差不多

大概呢個世界，只有女人脫光時男人先會眼睛發亮吧（無言）無論你花幾多心機係妝容、打扮上，換來都係一句「都係差唔多啦～」反而街上愈少布嘅女生，男人就愈有feel。男人嘅一句「差唔多啦」、「咪又係咁上下」真係令女生們自尊心受創，心入面吶喊「唔通我真係唔值得你一句偽善嘅讚賞嗎？！」所謂女為悅己者容，真心希望男生都給予一個禮貌嘅回覆！

Photo from ckw720 ＠ ig

＃6 過份理性處理女生情緒需要

當女生唔開心抱怨時，男人莫名其妙就會從啞巴變成政治名嘴，跟你分析你嘅「唔開心」到底有幾無聊、無必要、無價值...總之你唔開心嘅感受都係多餘！甚至會開始發揮大男人主義，想去控制你如何處理問題...(下刪100字) 其實女人不過想要伴侶嘅一句安慰同擁抱，並非想聽你連番偉論去評價我嘅eq到底有幾低...(默默地哭)

Text：TopBeauty Editorial

Photo source：instagram