法國粉紅花卉世界～Dior Pink City正式登陸澳門！

澳門除咗有大三巴，觀音像傳統打卡景點之外，依家又有一個好去處喇！Dior全球第一座PINK CITY正式登陸澳門，一齊睇下現場有咩玩啦！

位於「澳門銀河TM」嘅DIOR Pink City一共分成四個區域，首站係「粉色花店」，一踏入花店就立刻感受到Dior標誌性嘅香薰世界，入面滿佈鮮花嘅設計展現Dior先生對鮮花嘅熱愛，Dior香薰雕像加上唯美嘅花牆，絕對要影相留念！

去到「粉色咖啡館」，場內淡淡嘅玫瑰香氣不禁令人想起DIOR經典香薰 Miss Dior同J’adore l’Or ，場內香氛咨詢師亦會為你選出最合適嘅香氣！

下一站「粉色圖書館」，整個會場內最特別就係呢張由DIOR唇膏組成嘅唇膏梳化，影相打卡一 流！旁邊亦可以挑選最新共24色嘅迪奧魅惑星耀唇膏。

嚟到「粉色音樂廳」，粉色唔單止代表甜美可愛，亦可以展現型格嘅一面。音樂廳中嘅小舞台亦係今次必影打卡位之一，另外在場專業化妝師會為大家提供試色補妝服務，試完唇膏又可以繼續影靚相喇！

DIOR PINK CITY 時間：即日起至6月30日

地點：「澳門銀河TM」明珠大堂

Text：TopBeauty Editorial

Photo Source：TopBeauty Editorial