男友眼中的你！一旦談戀愛你是哪類型女朋友？4月是獨立型、7月是神秘型，9月是完美主義型～
愛情會令人盲目都會令人改變，好多女生一拍拖，平時明明係男人婆，但都變得小鳥依人；相反平時為人平和無殺傷力，對住另一半又會變得有要求同惡死，想知道自己係咩類型嘅女朋友？不妨睇睇以下根據12月份分析嘅女友性格大檢閱吧！
Photo from kyoya_1122 ＠ ig
1月 頑固型女友
你擁有強烈自我意識同意志，所以可以吸引好多人關注。作為一個雄心勃勃嘅女孩，你十分擅長激勵同推動你嘅另一半，但如果人哋畀意見你，你未必聽得入耳，因為比起人哋嘅意見，你更相信自己。你嘅生活往往好有組織性同條理，個人用品習慣擺放得好整齊，因此當另一半擅自移動你嘅物件時，你就會大發雷霆。
Photo from rahrahsong ＠ ig
2月 行動派女友
比起循規蹈矩嘅女生，你偏向係個熱愛冒險嘅夢想家，有自己一套探索世界嘅訣竅。即使抽唔到時間去旅行，你總係「有所行動」，會拖另一半到咖啡館、購物、行山，睇戲。你嘅旺盛行動力有時甚至會令伴侶有點暈頭轉向， 稍微慢下來，畀佢抖抖啦～
Photo from therivergirl @ ig
3月 深情型女友
你既大方又值得信賴，對於另一半的情緒起伏和想法有敏銳的感受，感情豐富且細膩。雖然看上去成熟又安靜，但其實你需要另一半給予你很多很多的關注。你不會特地去和別人比較，因為你清楚知道自己希望另一半能怎樣對待你，是個很有想法和主見的女生。
Photo from wongmanyik @ ig
4月 獨立型女友
你友善又聰明，對伴侶會誠實以待，全心全意付出。準備開始一段關係時，你唔喜歡匆忙落決定，而係會認真仔細咁選擇另一半。因為你往往需要好多時間先會信任一個人，並讓佢踏入你嘅私人領域，但當你真正信任佢時，你哋嘅關係會發展得好順利。
Photo from edwinsiu @ ig
5月 無法預測型女友
你係個會一直改變人計劃嘅女生，總希望可以有所表現，又多諗法又會優柔寡斷。你傾向尋找一個能激勵你並帶出你創意一面嘅另一半。但你嘅強烈好奇心，同埋敏銳觸覺，經常令另一半難以給你製造驚喜。唔單止係咁，當你發現另一半有秘密唔話你知時，你會覺得非常煩惱，因為控制慾強嘅你總係希望能參與對方嘅一切。
Photo from paisleyhu @ ig
6月 浪漫型女友
你專一而且深情，係一種令伴侶任何時候都能夠感到被愛嘅浪漫女生。但你容易嫉妒，總係希望得到對方關注，亦都成為你每段關係失敗嘅要害。你有一個壞習慣，就係「拎得起，放唔低。」你甚至會不自覺將新戀人與舊戀人進行比較。
Photo from therivergirl @ ig
7月 神秘型女友
你擁有一個謹慎而敏感嘅靈魂，為了避免衝突、矛盾，你傾向喺煩惱時向伴侶掩飾自己嘅真實感受。好多時，你都會原諒另一半嘅錯事，但就將件事擺喺心，好少真正忘記。並唔係為咗喺將來重翻舊帳，而係當做對自己嘅提醒。
Photo from yeungchinwah ＠ ig
8月 風趣型女友
你直言不諱同幽默令你喺人群中輕易得到存在感。對外，你係個友善嘅女生，但喺一段關係中，你有時會變得笨拙、幼稚同過度自我保護。雖然係咁，但當面對所愛嘅人，你總會願意放低表面嘅堅強以同自我。
Photo from lok666 ＠ ig
9月 完美主義型女友
你重視細節、忠誠，具組織性嘅生活方式同時會反映喺你愛情選擇上。你對另一半有頗高標準，尋求一份承諾同成熟嘅感情。你係?種會去引導另一半嘅女生，希佢另一半可以走一條更好嘅路。而當進入談婚論嫁階段時，無人會比你更有準備講 “I Do” 。
Photo from kaytse @ ig
10月 樂觀型女友
你個性可愛又平和，會盡可能避免衝突。你對生活嘅積極態度同展望係一個巨大優勢，因為你總喺關係面臨困難時，保持正面思考。你係個有主見的嘅女生，而且唔容易受到影響。對伴侶嚟講，你就像好似一顆罕見嘅寶石。
Photo from ghlchan @ ig
11月 穩定型女友
你係個堅定不移嘅女生，頭腦總轉得比舌頭快，自有一套獨特方法去表達意見同諗法。你可以輕易理解另一半嘅心思，知道佢想講咩，或者做咩會令佢開心，都知道如何能夠打擊佢同傷害佢。你嘅伴侶永遠唔會對你感到厭倦，因為你總係有新嘅事情可以跟佢分享。
Photo from tinyuilee ＠ ig
12月 活躍型女友
你係一個有趣又熱愛自由嘅女生，唔喜歡事情一成不變，大概就係你總係對每一段關係容易覺得厭倦同無聊嘅原因。你會默默地跟另一半競爭同比賽，因為你心底係願意挑戰嘅人。缺點係無耐性，總係無法持續熱情至看到結果。
Photo from officialchuan ＠ ig
Text:Girlslike Editorial
Photo source: instagram
