「空氣感眉毛」是新趨勢！掌握畫眉的黃金必勝法則

畫得一條好嘅眉毛，除咗令個妝更加完整，仲會有小顏嘅效果！而過往嘅「一字眉」、「原生眉」已經流行咗好一段時間，咁嚟緊「眉妝」有咩新走勢，等Benefit嘅專業化妝師Maki Ho同大家講解一下啦！

Maki提到今年嘅眉妝延續之前原生眉嘅發展方向，以「Down to Earth」為題，眉妝偏向走自然風，唔會用俐落嘅線條去框畫整條眉，反而以柔化霧化方法處理。另外一個重點係，眉毛都要充滿「空氣感」！

唔少女生都對畫眉嘅落筆位置感到疑惑，所以第一步要處理眉頭、眉峰同眉尾位置！眉頭：由鼻頭側開始垂直向上至眉骨位置。

眉峰：同樣鼻頭側開始斜向眼珠至眉骨位置，而眉峰高度好影響整條眉嘅型狀同斜度，所以如果喜歡歐美一啲，眉峰位置可以點高少少，但如果行日韓路線，眉峰位置相對地就可以平返少少。

眉尾：有人話眉毛長啲塊面會更細，但千祈唔好無限延伸畫到去太陽穴！最適位置應該係由鼻翼開始指向眼尾，落點位置相比眉頭會高一點點。

點好位置之後就可以正式畫眉，先用幼細嘅眉筆，由眉毛底部中間開始輕輕勾畫眉尾同眉峰形狀。

配合「Down to Earth」自然嘅感覺，最好就係用眉粉去處理！以眉粉由眉頭開始填色，而且唔使太實色，邊沿要有霧化感覺。

嚟到今年眉妝另一個重點「空氣感」，平時用眉gel會gel到貼貼服服，但呢次反而用一啲帶纖維嘅產品令眉毛更有空氣感。

使用產品（由左至右）：

Benefit precisely, my brow立體塑形眉筆  HK$225

Benefit foolproof 雙色豐盈眉粉  HK$225

Benefit Gimme Brow+豐眉膏升級版  HK$225

Text：TopBeauty Editorial

Photo Source：TopBeauty Editorial