愛情路上曾兩箭穿心,蛻變後魅力更勝往日!滕麗名:有些人可能習慣成自然,失去後才發覺是好~

愛情路上曾兩箭穿心,蛻變後魅力更勝往日!滕麗名:有些人可能習慣成自然,失去後才發覺是好~

Hot Topics Relationship
By Michelle on 07 Nov 2018
Digital Editor

雖然年過40嘅女人已經過咗青春貌美之年,都唔代表無曬吸引力,分分鐘仲可以超越當年勇!曾被喻為「滄海遺珠」嘅滕麗名前年憑《一屋老友記》「二寶」一角而「鹹魚翻身」,重新入屋兼勁有觀眾緣。回顧阿滕令人最深刻印象嘅角色,莫過於令佢走紅嘅《陀槍師姐》系列。1998年飾演陳三元一角,令觀眾認識咗呢位爽朗率直、剛強嘅滕麗名。

Photo from from Weibo

加入TVB已經23年,阿滕喺演技上都得到唔少人認同,形象十分入屋。《尋秦記》飾演外剛內柔嘅配角善柔,平心而論,當年外貌的確及唔上另外3位女角—宣萱、郭羡妮、雪兒,但論性格討好度,就一定係甚有內在美嘅一位。早前《尋秦記》重播,有網民撰文《識揀嘅梗系揀善柔》表達對呢個角色嘅喜愛。

Photo from from Weibo

雖然TVB為阿滕帶來好多機會,但每人際遇有別,愛情路如是。已榮升人妻嘅阿滕,喺佢遇見現任老公前,愛情路上可謂個注定要孤身上路嘅鐵娘子。

Photo from from Weibo

1998年於《陀槍師姐》中飾演陳三元一角,當年三元一把乾淨俐落嘅短髮,性格灑脫直率,雖然有啲「男仔頭」,但勇敢得來又認真嘅性格好得人鍾意。雖然喺劇入面嘅命運好坎坷,但劇外卻認識影響佢半生嘅男人—魏駿傑。當年呢對戀人結緣都得到大家認同,神女有心,將9年青春歲月獻畀對方時,對方卻原來係襄王無意,因為出現第三者,魏駿傑背棄拍拖9年嘅阿滕,二話不說轉身離開。

Photo from from Weibo

呢對曾經人前被稱金童玉女嘅小戀人最終敵唔過歲月洗禮。勇敢嘅佢選擇企出嚟面對,面對眼前曾經係摯愛,卻變成另一個陌生人一樣嘅魏駿傑,阿滕人前從來都無哭哭啼啼,非常堅強。然而,人長大以後,就會明白雨後未必會出彩虹這道理,命運之神無放佢一馬,仍要安排第二段孽緣畀已經傷痕累累嘅佢。

Photo from from Sina

2009年拍劇期間,滕麗名跟郭政鴻被指發展地下情,雖然從來無公開拍拖一事,但就早已認定係一對。可惜拍拖3年,男方被踢爆喺內地已經有頭家,一直被蒙在鼓裏嘅阿滕無啦啦成為「第三者」,阿滕再一次被騙,再一次失望。

Photo from from Sina

昔日愛情大過天,曾經被第三者拆散,又試過冤枉地成為第三者,差點拆散人哋嘅家庭,仍然相信感情嘅阿滕2013年終於覓得好歸宿,跟圈外老公朱建崑拉埋天窗。

Photo from from Weibo

Photo from from Weibo

誰人會沒有過去?但往日到底誰虧欠了誰,如今從阿滕幸福嘅笑容,大概都明白前塵事早已事過境遷。終於蛻變嘅阿滕如今已為人妻,婚姻美滿,結婚5年唔單止無變師拉,反而仲愈嚟愈有睇頭,女人味十足!

Photo from sheepyjoycetang @ ig

Photo from sheepyjoycetang @ ig

 

2013年婚前阿滕曾經接受訪問時,大講自愛情觀佢,佢覺得兩個人喺埋一齊,最重要相處開心,但最忌就係將伴侶對自己嘅好「習慣成自然」,由珍惜變老逢。

Photo from sheepyjoycetang @ ig

女怕最怕嫁錯郎,或者阿滕都會慶幸當日負心男嘅不娶之恩,才成就出一個更強大嘅自己,令佢擁抱更值得嘅幸福。與其話從前臉上有傻氣天真嘅笑容,經歷種種後,成熟後嘅阿滕更勝當年,加油,三元!

Text:Girlslike Editorial

Photo source:Instagram, Weibo, Sina

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK