英女皇的5件罕有珠寶～每件珠寶都有故事，丈夫送英女皇的那件是最常佩戴！

By Maggie on 18 Jun 2019

Digital Editor

love yourself and the rest will follow.

英女皇貴為英國史上任期最長同最長壽嘅女王，生活除左好過妳同我之外，擁有嘅珠寶首飾都當然珍貴，而且罕有。當中不少珠寶都係承傳過百年，價值更可用天文數字計算，所以英女皇都有「珠寶典藏家」名號。有得依個美譽，絕非浪得虛名，單係皇冠就已經有接近 15 頂，其他珠寶、首飾，更是無人能及！今次就同大家分享英女皇其中5件罕有珠寶，同分享佢地背後有咩故事啦！

#皇冠

1.帝國皇冠 The Imperial State Crown

帝國皇冠係英女皇一生中最為重要嘅皇冠。依個皇冠於1838年製造，像徵了維多利亞女王嘅印度女皇地位。但後來，因帝國皇冠都用於愛德華七世同喬治五世嘅加冕中，所以到了1937年，皇室才重新製作帝國皇冠，利用了舊皇冠上嘅珠寶製作一頂一模一樣嘅皇冠，用作喬治六世加冕典禮上，正正就係英女皇依家那頂。帝國皇冠上鑲有 2868 顆鑽石、173 顆珍珠， 17 顆藍寶石、11 顆祖母綠和 5 顆紅寶石及最大嘅主鑽石-「庫里南二世」！重量近乎重 1 公斤！連英女皇都話戴上帝國皇冠時，唔可以低頭，否則頸部都有可能斷，皇冠都隨之掉落。」

Photo from Pinterest

2.紅寶石皇冠 The Burmese Ruby Tiara

依頂紅寶石皇冠係緬甸人民適逢英女皇大婚送來嘅禮物。緬甸送來96 顆紅寶石，於是英女皇便再加上一顆另一頂皇冠上嘅鑽石打造了依頂親自設計嘅皇冠。原來依96 顆紅寶石，係有特別意思，寓意不受病痛入侵身體，保佑健康。有消息曾指出，人類有機會感染嘅疾病就係剛好 96 種，所以便送來96 顆紅寶石，信不信由妳了！

Photo from Pinterest

#首飾

3.巴西海藍寶首飾 The Brazilian Aquamarine Parure

依套海藍寶首飾，包括頸鏈同耳環，係巴西當年於英金女皇加冕典禮時所送嘅禮物。據聞當年因爲要尋找多顆一樣晶瑩剔透嘅海藍寶，於是用了一年時間去搜集。後來，英女皇更讓珠寶製造商打造了同海藍寶首飾相配嘅皇冠。而依套巴西海藍寶首飾嘅曝光率都非常嘅高，英女皇成日都會於唔同場合佩戴。

Photo from Pinterest

4.祖母綠項鍊 The Brazilian Aquamarine Parure

這項鍊最先係由喬治五世所擁有，因慶祝佢加冕成為印度國王，於是送左依套項鍊同耳環俾佢太太瑪麗王后。而後來，瑪麗王后又將佢送左比英女皇，大大話話都有超過100年歷史了。

Photo from Pinterest

5.Scarab Brooch

依個聖甲蟲胸針係丈夫 Prince Pillip送俾英女皇嘅禮物，於是由個時開始，依個胸針就成為左英女皇最常佩戴嘅首飾。2017年，為英女皇同Prince Pillip 結婚 70 周年大日子，由英國白金漢宮特意釋出嘅照片可見，英女皇正正就係是佩戴著依個由黃、紅寶石、鑽石組成嘅聖甲蟲胸針。依個胸針可以話係佢地最好嘅愛情見證品。